Kitai suah ninga pasal utai ke ngasuh diri sebilik bepechah-belah, tang nama resia pengelantang ba diri sebilik?

• Entara taun 1990 enggau 2015, penyampau orang ke sarak ba Amerika Serikat niki dua kali ganda ngagai sida ke beumur 50 taun ke atas, lalu niki tiga kali ganda ngagai sida ke beumur 65 taun ke atas.

• Kemayaharitu apai indai charut runding: Bisi pakar madah, sida patut seruran muji anak, ke bukai madah, sida patut disiplin enggau tegas.

• Mayuh sida ke nembiak nadai pengelandik ke patut ngambika ulih mujur.

Taja pia, ke bendar iya . . .

• Tikah ulih meruan belama iya sereta lantang.

• Apai indai ulih belajar disiplin anak enggau chara pengerindu.

• Sida ke nembiak ulih ngemansangka pengelandik ke patut, ngambika nyadi orang besai tuai ti menyana.

Baka ni? Majalah tu deka berandauka 12 resia pengelantang ba diri sebilik.