Laki bini ke bekerejasama baka juruterbang enggau penulung iya ke nitihka pelan penerebai ti sama. Taja pan bisi penanggul, laki bini deka berunding pasal “kitai” ukai “aku.”

PRINSIP BUP KUDUS: “Seduai iya ukai dua iku agi, tang siku.”—Matthew 19:6.

“Tikah ukai acara sukan ke belanda kediri. Laki bini patut bekerejasama ngambika ulih mujur ba tikah.”—Christopher.

Lebuh penanggul datai, laki bini ke enda bekerejasama deka senang agi nyalahka pangan diri, ari ke mutarka penanggul. Pengujung iya, utai ti mit ulih nyadi penanggul besai.

“Kerejasama penting ba tikah. Enti aku enggau laki aku enda bekerejasama, tu nunjukka kami semina baka orang ke nyiwa begulai, tang enda ulih sama ati enggau sama runding maya ngaga pemutus ti besai.”—Alexandra.

UJI MEH DIRI

• Kati ba runding aku, gaji aku nya “enggi aku magang”?

• Patut ke enda aku jauh ari kaling aku ngambika ulih rileks?

• Kati aku kurang rapat enggau kaban belayan kaling aku, taja pan iya rapat enggau sida?

BERANDAU MEH ENGGAU KALING PENGIDUP NUAN

• Ba pekara nama tua ulih bekerejasama enggau manah?

• Nama utai ke patut diubah sereta dikemansangka tua?

• Nama chara ke ulih digaga tua kena negapka tikah?

TIP

• Gambarka nuan benung belaban enggau kaling nuan ba kelang badminton. Nama patut digaga nuan ngambika seduai ulih nyadi siti tim?

• Ari ke berunding, “Baka ni aku ulih menang?” pikir meh, “Baka ni kami duai ulih menang?”

“Anang kelalu bekira, sapa ke betul enggau sapa ke salah. Pemaik enggau penyerakup ba tikah jauh penting agi.”—Ethan.

PRINSIP BUP KUDUS: “Anang semina berundingka diri empu aja, tang berunding mega ke orang bukai.”—Pilipi 2:4.