PERATIKA! No. 2 2020 | 5 Tanya pasal Pemerinsa Disaut
Semua orang kala napi penusah—baka penyakit, eksiden, bencana alam, tauka nyadi mansa jenayah.
Mayuh orang ka nemu kebuah kitai merinsa.
Sekeda orang pechaya pemerinsa nya utai ke udah ditentuka, sereta enda ulih diseliahka.
Bisi mega pechayaka ukum karma, iya nya ajar ke pechaya, sesiku orang merinsa ketegal iya kala ngereja penyai ba pengidup iya ke diatu tauka sebedau tu.
Kesuah iya, penusah ulih ngasuh orang teperundingka tanya ke munyi tu . . .
Utai ke Dipechaya Sekeda Orang
Peratika bida runding orang pasal pemerinsa nitihka pengarap.
1 Kati Pemerinsa Kitai Datai ari Petara?
Mayuh orang salah faham ketegal ajar ti salah pasal Petara. Nyadi, nama utai ke betul deh?
2 Kati Reti nya Kitai ke Patut Dipesalahka ketegal Pemerinsa Diri Empu?
Enti saut iya au, nyadi kitai engka ulih ngurangka pemerinsa.
3 Nama Kebuah Orang ti Manah Merinsa?
Bup Kudus ngasuh kitai faham agi ke saut pekara tu.
4 Kati Petara Deka Kitai Merinsa?
Kati Petara deka ngaga dunya tu nyadi lawa sereta manah enti Iya deka kitai merinsa? Enti ukai baka nya, nama kebuah kitai merinsa deh?
5 Kati Pemerinsa Kitai Deka Nadai Agi?
Bup Kudus bisi nerangka baka ni gaya Petara deka munaska semua pemerinsa kitai.
Ngulihka Bantu
Taja pan penanggul kitai baka ke enda ulih diputarka, agi bisi iring ke ulih dikena ti ulih nulung kitai.
