Di serata dunya mayuh orang napi banjir ti mai mayuh pengerusak. Peratika sekeda riput tu:

•   “Dalam beberapa hari ti udah, ujan ba indu nengeri di China balat agi ari 140 taun ti udah. Ai ujan ke ditimbun entara Hari Enam nyentuk ngagai Hari Tiga nya 744.8 milimeter.”—AP News, 2 Ogos 2023.

•   “Ba hari kedua Taufan Khanun nya mangka Jepun selatan (iya nya Hari Empat) bisi dua iku orang mati ketegal ujan bangat enggau angin ti kuat. . . . Taufan nya dijangka mai kira-kira 0.6 meter ujan ngagai endur ke bebukit ba tengah Taiwan.”—Deutsche Welle, 3 Ogos 2023.

•   “Ba ujung minggu tu tadi bisi banjir ti balat [ba Nova Scotia.] Tu nyadi ketegal ujan ti pemadu bangat ke kala nyadi ba pesisir Atlantik di Kanada dalam 50 taun ti udah.”—BBC News, 24 Julai 2023.

 Nama dipadah Bup Kudus pasal utai ti nyadi tu?

 Bup Kudus ngumbai jeman kitai nya “hari ti penudi.” (2 Timoti 3:1) Jesus madah ba jeman kitai, kitai deka meda “utai ti ngenakutka.” (Luke 21:11) Ketegal suhu bumi berubah mayuh agi bencana alam ti ngenakutka deka nyadi, lalu kitai enda nemu kemaya tauka dini alai bencana alam nya deka nyadi.

 Bup Kudus madahka, kebendar iya utai ke nyadi ba bumi kemayaharitu meri kitai harapan. Nama kebuah? Jesus madah: “Lebuh kita meda semua utai tu nyadi, kita patut nemu Perintah Petara nyau semak.”—Luke 21:31; Matthew 24:3.

 Utai ke nyadi ti dipeda kitai kemayaharitu nunjukka enda lama agi Perintah Petara deka nguasa kuasa alam ba bumi tu, nyengkaum kitar ai.—Jop 36:27, 28; Masmur 107:29.

 Kena nemu mayuh agi pasal chara Perintah Petara deka mutarka penanggul ba bumi, bacha meh artikel “Sapa ke Deka Nyelamatka Bumi?”