•   “Kira-kira 50 peratus orang ba Amerika Serikat madah sida berasai kediri tauka puang, kelebih agi entara orang ke beumur 18 ngagai 25 taun.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Gerempung Pengerai Entarabansa (WHO)] madahka, sida deka numbuhka siti raban kena mansik pasal asai ati ti sunyi, laban tu udah nyadi penanggul pengerai ti serius. Sida mega deka nguji meransang orang fokus ngemansangka kaul sida enggau orang bukai, lalu ngiga chara ti pemadu manah kena mutarka penanggul asai ati ti sunyi ba semua menua, nyengkaum menua ke seranta.”​—Gerempung Pengerai Entarabansa, 15 November 2023.

 Bup Kudus ngembuan jaku lalau ke ulih nulung kitai ngemansangka kaul kitai enggau orang bukai, lalu ulih nulung kitai mutarka asai ati ti sunyi.

 Kurangka awak ke dikena ba pengawa ke ngenyauhka nuan ari orang bukai. Tu nyengkaum kelalu balat ngena media sosial. Tang, giga meh awak begulai enggau orang bukai secara betunga mua, lalu nyadi kaban ti rapat enggau sida.

•   Prinsip Bup Kudus: “Pangan endang seruran ngayanka pengerindu sida. Nama guna bisi kaban belayan enti sida enda enggau natka penusah?”​—Jaku-Dalam 17:17.

 Giga peluang nulung orang bukai. Lebuh kitai ngereja utai ti manah ngagai orang bukai, tu ukai semina negapka kaul kitai enggau sida, tang tu ulih ngasuh kitai gaga ati agi.

•   Prinsip Bup Kudus: “Orang ke meri deka gaga agi ati ari orang ke nerima.”​—Surat Kereja Rasul 20:35.

 Giga laman web kami kena nemu mayuh agi penerang ari Bup Kudus ke ulih nulung nuan ngemanahka agi kaul enggau orang bukai.