“Penanggul ba pengerai mental ba orang biak udah nyadi krisis, lalu diatu kami sedar, media sosial ke ngasuh tu nyadi.”—Dr. Vivek Murthy, New York Times, 17 Jun 2024.

 Baka ni apai indai ulih ngelindung bala anak sida ari bahaya media sosial? Bup Kudus nyediaka lalau ti ngena.

 Peratika prinsip Bup Kudus tu.

 “Orang ke pintar deka nyingkang enggau bejimat.”—Jaku-Dalam 14:15.

 Media sosial ulih meri kesan ti enda manah ngagai anak nuan. Nyadi, anang ngawakka orang bukai nekan nuan ngasuh anak nuan ngena media sosial. Sebedau ngemendarka anak nuan ngena media sosial, tentuka iya chukup matang sereta deka nitithka tatak ke ditetapka nuan pasal ni pemayuh jam ke dikena iya ba media sosial. Tentuka mega iya bisi kaul ti manah enggau bala kaban lalu nemu nyeliahka utai ke enda menuku.

•   Kena nemu mayuh agi, bacha meh artikel “Patut Anak Aku Bekenaka Media Sosial?” enggau “Chara Ngajar Anak Nuan ke Nembiak Ngena Media Sosial enggau Likun.”

 “Kena meh awak kita enggau manah.”—Epesus 5:16.

 Enti nuan ngemendarka anak nuan ngena media sosial, tetapka atur pasal chara anak nuan ulih ngena nya lalu nerangka baka ni tu ulih ngelindung sida. Peratika anak nuan enggau manah. Enti ulah iya berubah, engka nuan patut ngurangka awak ke dikena iya ba media sosial.

•   Kena meh video animasi papan putih Bejimat Lebuh Ngena Media Sosial kena nulung anak nuan faham nama kebuah netapka tatak nya penting.

 Bup Kudus madah kitai benung idup ba “maya ti balat jai sereta balat tusah.” (2 Timoti 3:1-5) Ba maya ti sama, Bup Kudus ngundan lalau ti manah ke ulih nulung kitai napi penanggul kemayaharitu. Ba artikel tu pasal pengerai mental bala remaja, bisi link ngagai lebih ari 20 iti artikel enggau video ke bepelasarka Bup Kudus ti ulih nulung apai indai enggau bala anak.