“Penanggul ti balat ba alam semulajadi mai mayuh stress enggau penusah ngagai mensia, menua sereta utai idup. Kabut majak balat nyadi ketegal suhu bumi majak berubah. Tu ngerusak endur alai orang diau lalu ngasuh sida tusah ngulihka utai ke diguna sida. Ketegal suhu tasik pan niki, tu ngasuh utai ke idup ba tasik mega dalam bahaya, lalu sekeda jenis jelu mega enda ulih idup agi.”—Inger Andersen, Penulung Setiausaha Pertubuhan Bangsa-Bangsa Bersatu enggau pengarah UN Environment Programme, 25 Julai 2023.

 Kati perintah mensia ulih bekerejasama mutarka penanggul ba serata dunya tu? Kati amat sida ulih ngereja nya?

 Bup Kudus bisi madah pasal siti perintah ke ulih sereta deka mutarka semua penanggul ba alam semulajadi. Iya madahka, ‘Petara ti di serega deka numbuhka siti perintah’ ke deka merintah atas serata dunya lalu mutarka semua penanggul mensia. (Daniel 2:44) Ba baruh Perintah nya, “nadai utai ti jai dia, lalu nadai utai ti tau ngasuh bebadi.” (Isaiah 11:9) Orang nadai ngemediska pangan diri sereta bumi.