Mayuh orang ba serata dunya ngasaika diri tusah ngulihka duit kena beridup, lalu baru-baru tu penanggul tu majak balat-sebalat.

•   Nitihka riput ba serata dunya, a “gaji mayuh orang enda chukup kena meli utai ke diguna sida baka suba.” Riput tu nunjukka, enti nadai utai berubah, “takah entara orang ke kaya enggau orang ke seranta deka jauh agi,” lalu mayuh ruang bilik “deka ngasaika pengidup sida enda senang baka ke suba.”

 Ulih perintah mensia mutarka penanggul ekonomi tu? Kati sida ulih nulung indah mimit aja?

 Bup Kudus bisi madah pasal siti perintah ke ulih sereta deka mutarka semua penanggul ba ekonomi, nyengkaum tikas pengidup mensia. Iya madahka, ‘Petara ti di serega deka numbuhka siti perintah’ ke ulih mutarka semua penanggul ba dunya. (Daniel 2:44) Lebuh perintah nya merintah semua dunya, semua orang deka seruran dikingatka. (Masmur 9:18) Semua orang ke dipegai Perintah Petara deka bisi utai ke diguna sida ngambika sida ulih lantang ati. Semua orang deka gaga ati enggau asil ke diulih sida.—Isaiah 65:21, 22.