Baka ke udah dipeda kitai ari perang ba Ukraine, mayuh tuai pengarap meransang orang enggau beperang. Peratika baka ni tuai pengarap Kristian udah nyukung kedua-dua piak tu:

•   “Tabi basa sereta terima kasih ngagai bala soldadu ke beperang ngetanka menua Ukraine ari diserang munsuh . . . Kami seruran nyukung, seati sereta besampika kita.”—Tuai Gerija Orthodox Ukraine, ke begelar Metropolitan Epiphanius I, baka ke ditulis ba The Jerusalem Post, kena 16 Mac, 2022.

•   “Tuai pengarap Gerija Orthodox Rusia ngatur program sembiang ngagai bala soldadu Rusia kena Hari Minggu. Iya meransang sida ngetanka menua diri ‘baka chara orang Rusia.’”—Reuters, 3 April 2022.

 Patut orang Kristian enggau perang? Nama utai ti dipadah Bup Kudus pasal tu?

 Bup Kudus madahka murid Kristus ti bendar enda enggau perang.

•   “Selitka pedang nuan. Semua orang ke ngena pedang deka mati laban pedang.”—Matthew 26:52.

   Kati orang ke setuju enggau pengawa perang, tauka orang ke enggau perang, amat ngasika jaku Jesus?

•   “Aku meri kita siti pesan ti baru: Kita patut rinduka pangan diri. Baka aku ke udah rinduka kita, kita mega patut rinduka pangan diri. Enti kita rinduka pangan diri, semua orang deka nemu, kita meh murid aku.”—John 13:34, 35.

   Jesus madah pengerindu nya tanda orang Kristian ti bendar. Kati orang ke nyukung perang nunjukka pengerindu tu?

 Kena nemu mayuh agi penerang, bacha meh artikel “Apakah Perang Sejalan dengan Kekristenan?” dalam jaku Indonesia.

 Kati amat orang Kristian ulih nyeliahka perang kemayaharitu? Ulih. Bup Kudus madah ba jeman kitai, ke dikumbai hari ti penudi, mayuh orang ari serata dunya deka “nadai agi nyendiaka diri beperang.” Tu sejalai enggau ajar Jesus.—Isaiah 2:2, 4.

•   Kena nemu mayuh agi, peda siri artikel ba Menara Jaga ti betajuk “Nama Penemu Petara Pasal Perang?”

 Enda lama da agi “Petara pengelantang,” iya nya Jehovah, a deka ngena Perintah Iya nyelamatka mensia “ari orang ke nekanka pengidup sida, enggau ari orang ke mangah.”—Pilipi 4:9; Masmur 72:14.

•   Kena nemu chara iya, peda meh video Nama Reti Perintah Petara?