Nitihka siti pansik ke digaga ba serata dunya, a kira-kira siku ari empat iku orang berasai sunyi.

•   “Sapa-sapa aja ulih berasai kediri, enda ngira umur tauka ba dini alai sida.”​—Chido Mpemba, cochair of the World Health Organization’s Commission on Social Connection.

 Sekeda orang ngumbai, semina sida ke tuai tauka sida ke enda begulai enggau orang bukai aja ke ulih berasai sunyi. Tang penanggul tu mega ulih nyadi ngagai sida ke biak, bepengerai, mujur ba pengidup, sereta sida ke udah kawin. Lebuh sesiku orang enda begulai enggau orang bukai sereta berasai sunyi, nya ulih balat ngachau pengerai iya.

•   Ku Dr. Vivek Murthy, siku lutur ari Amerika Serikat madahka: “Asai sunyi ukai semina asai ati ti enda manah.” Ku iya nampung: “Risiko mati orang ke enda begulai enggau orang bukai, sama baka risiko mati orang ke nginsap 15 batang insap tiap hari.”

 Petara ke ngaga kitai, enggai kitai kediri. Petara dekaka semua mensia idup begulai enggau gaga ati.

•   Prinsip Bup Kudus: ‘Petara bejaku: “Enda manah lelaki nya diau kediri aja.”’—Pemungkal 2:18.

 Petara dekaka kitai nyadi kaban Iya. Iya besemaya deka majak semak ngagai kitai enti kitai berusaha datai semak ngagai Iya.—James 4:8.

•   Prinsip Bup Kudus: “Gaga ati meh sida ke nemu diri begunaka iring ari Petara, laban Perintah serega endang enggi sida.”—Matthew 5:3.

 Petara dekaka kitai nyembah Iya begulai enggau orang bukai. Lebuh kitai ngereja nya, kitai deka gaga agi ati.

•   Prinsip Bup Kudus: “Aram meh kitai beratika pangan diri kena meransang pangan diri ngayanka pengerindu sereta ngereja utai ti manah. Anang meh ngelengkaka pengawa begempuru kitai . . . Tang, peransang pangan diri.”—Hebrew 10:24, 25.

 Kena nemu kebuah kitai patut ngelaban asai ati ti sunyi, bacha meh artikel “Kesepian mesti Ada Banyak Sarana Komunikasi” dalam jaku Indonesia.