Mayuh penyai digaga gangster ba Haiti. Mayuh orang merinsa ketegal jenayah ti ganas ba Afrika Selatan, Mexico enggau menua Latin bukai. Taja pan jenayah tu dikurangka ba sekeda endur, mayuh orang agi irau sereta takut ketegal riput pasal jenayah bukai nyengkaum kes enchuri, ngerusak utai orang enggau sengaja nunu utai orang bukai.

 Nama dipadah Bup Kudus pasal penyai ke majak nyadi ba serata dunya?

 Ari dulu suba, Bup Kudus madah pasal penyai sebagi ari tanda “pengujung dunya tu.” (Matthew 24:3) Lebuh Jesus Kristus madah beberapa iti utai ti nyadi ke sebagi ari tanda nya, Jesus madah:

•   “Ketegal penyai majak nyadi, pengerindu orang ke pangan diri deka majak kurang.”—Matthew 24:12.

 Bup Kudus mega madahka, “ba hari ti penudi” orang mayuh “enda nemu nagang diri, mangah, enda rinduka utai ti manah.” (2 Timoti 3:1-5) Ulah ke berundingka diri empu ngujungka penyai nyadi kemayaharitu.

 Tang kitai bisi harapan. Bup Kudus besemaya, enda lama agi penyai deka nadai agi.

•   “Enda lama da agi orang ke jai deka abis; taja pen kita bebendar begigaka sida, tang kita nadai tetemuka sida. Tang orang ke baruh ati deka bempu menua tu lalu diau lantang ngena pengaya sida.”—Masmur 37:10, 11.

 Kena nemu mayuh agi pasal harapan Bup Kudus, sereta nama kebuah nuan ulih andal utai ke nyadi kemayaharitu ngamatka jaku benabi dalam Bup Kudus, bacha meh artikel tu:

 “Pengadang ti Bendar Pasal Jemah Ila”

 “Nama Tanda “Hari ti Penudi” tauka “Pengujung Dunya”?”

 “Kati Ulah enggau Runding Orang Kemayaharitu Mina Ramalan ari Bup Kudus?”