MENGKANG BEJAGA!
Sapa ke Ulih Dikearapka Nuan? Nama Dipadahka Bup Kudus?
Kitai berasai asa ati lebuh orang ke patut dikearapka kitai ngereja utai ke ngasaka ati. Mayuh orang nyau nadai agi arap ngagai . . .
tuai politik ke lebih berundingka diri empu ari rayat sida.
media rama ke ngeluarka berita ti berat sepiak sereta salah.
bala saintis ke enda beberatka utai ke diguna orang mayuh.
tuai pengarap ke masuk champur ba politik ari ke ngarika Petara.
Orang endang patut bejimat pasal sapa ke patut dipechaya sida. Bup Kudus meri tangkan tu:
“Anang ngarapka tuai mensia. Nadai mensia ulih nulung kita.”—Masmur 146:3.
Orang ke ulih dikearapka nuan
Bup Kudus madahka orang ke ulih dipechaya kitai, iya nya Jesus Kristus. Iya ukai semina siku lelaki ke manah ke kala idup ba dunya suba. Petara ngelantik Jesus “nyadi Raja . . . , lalu Perintah iya enda nemu abis.” (Luke 1:32, 33) Jesus udah nyadi Raja ba Perintah Petara, iya nya siti perintah ti benung merintah ba serega.—Matthew 6:10.
Kena nemu mayuh agi kebuah nuan ulih arapka Jesus, bacha meh artikel “Sapa Raja ba Perintah Petara?” sereta “Nama Deka Digaga Perintah Petara?”
Nuan Engka Rindu Meda Tu
SAUT NGAGAI TANYA PASAL BUP KUDUS
Baka Ni Gamal Bup Kudus?
Kelala meh bup ke dikumbai orang jaku Petara, ti ngembuan mayuh pesan.
ESSENTIAL BIBLE TEACHINGS
Nama Reti Perintah Petara?
Lebuh Jesus nginjil, iya ngajar mayuh agi pasal Perintah Petara ari utai bukai. Beribu taun, nembiak iya udah besampi ngambika Perintah Petara tu datai.
ESSENTIAL BIBLE TEACHINGS
Baka Ni Kitai Nemu Utai Ba Bup Kudus Nya Amat?
Enti Bup Kudus dikarang Petara, iya tentu enda baka bup bukai ke kala ditulis.
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
