Maya bulan Julai 2022, bisi rikut baru pasal peninggi suhu ba serata dunya:

•   “Tu kali kedua ba bulan tu pegawai ba China nangkan orang ke diau ba 70 iti nengeri sida deka dalam bahaya laman cuaca deka balat angat.”—25 Julai 2022, CNN Wire Service.

•   “Ketegal cuaca ba semua endur ba Eropah balat angat, tu ngasuh utan angus ba mayuh menua.”—17 Julai 2022, The Guardian.

•   “Kena Hari Minggu, mayuh nengeri ba Amerika Serikat bisi rikut baru pasal peninggi suhu ketegal cuaca ti balat angat ba Pesisir Timur, sereta tunga ke Selatan enggau Barat Tengah.”—24 Julai 2022, The New York Times.

 Nama reti semua utai tu? Kati nyau kelama kitai nadai agi ulih idup ba dunya tu? Nama utai ti dipadah Bup Kudus pasal utai tu?

 Au. Cuaca angat ba bumi sejalai enggau utai ke dipadah Bup Kudus pasal jeman kitai. Ngambika chunto, Jesus madah kitai deka “meda utai ti ngenakutka” tauka “tanda ti nyelai.” (Luke 21:11) Ketegal suhu ba serata dunya majak niki, mayuh orang takut mensia deka ngerusak bumi tu.

 Enda. Petara ngaga bumi tu endur kitai diau belama iya. (Masmur 115:16; Pengajar 1:4) Ari nejuka mensia ngerusak dunya tu, Iya deka “ngemunaska orang ke nganchurka dunya” baka ke udah disemaya Iya.—Pemandang 11:18.

 Peratika dua iti jaku benabi ke nunjukka utai ke disemayaka Petara:

•   “Menua puang deka rami gaga, lalu bungai deka tumbuh di menua ti kusi.” (Isaiah 35:1) Petara enggai nejuka dunya tu nyadi menua puang alai nadai utai idup. Tang Iya deka ngaduka baru semua endur ke udah dirusak.

•   “Nuan ngayanka diri sinu ati ke menua lebuh Nuan ngasuh hari ujan. Nuan ngasuh menua ami.” (Masmur 65:9) Petara deka ngaga bumi tu nyadi Paradais.

 Kena nemu mayuh agi pasal baka ni ubah ba suhu bumi ngamatka jaku benabi dalam Bup Kudus, bacha artikel “Apakah yang Bible Katakan tentang Perubahan Iklim dan Masa Depan Kita?” dalam jaku Melayu.

 Kena nemu semaya Bup Kudus pasal dunya deka diaduka baru, bacha artikel “Sapa ke Deka Nyelamatka Bumi?”