Gerempung Saksi-Saksi Jehovah bebasaka hak tiap iku orang. Kena nemu penerang pasal Data Protection Policy gerempung tu di serata dunya, klik ditu.

Data Protection Policy nerangka baka ni gerempung Saksi-Saksi Jehovah mutarka data personal. Nambahka nya, penerang ke nyemetak agi bekaul enggau laman web tu udah dikena sereta ditetapka di baruh tu.

Laman Web ke diempu Watchtower Bible and Tract Society of New York, Inc. (“Watchtower”), nya siti gerempung ke enda ngulihka untung. Gerempung tu nyukung pengawa Saksi-Saksi Jehovah sereta pengawa ngajar orang Bup Kudus. Sekeda server ke ngeluarka laman web tu bepalan ba Amerika Serikat.

Data personal nuan ba laman web tu semina dikena nitih baka ke dikedekaka nuan maya nuan nganjung penerang nya.

Kami enda meri data personal nuan ngagai sebarang orang, semadi penerang pasal nuan amat beguna kena nyediaka servis ke dipinta nuan, tauka ke diguna baka ke udah dipadah kami ngagai nuan. Kami semina deka meri data personal nuan enti penerang nya diguna ba undang-undang tauka atur, tauka diguna piak ke bekuasa kena meresa sereta nyeliahka pekara ti bekaul enggau pengawa kena nipu, nyaga pengelikun tauka penanggul teknikal. Enggau ngena laman web tu, nuan ngemendarka kami nyerahka data personal nuan ngagai piak ketiga ke dikena ba pekara tu aja. Sebarang data personal ke diberi nuan enda dijual, didagang tauka disewa.

Servis Piak Ketiga. Kekadang laman web tu deka ngundan link ngagai laman web piak ketiga ke udah dipilih kami kena bejalaika sekeda servis (baka ngisi pom nengah online). Lebuh nuan ngena laman web piak ketiga, laman web sereta alamat browser iya enda sebaka. Sebedau kami milih servis piak ketiga, kami meresa privacy sereta data protection policies sida kena nentuka sida nitihka standard polisi ke dikena kami. Enti nuan bisi utai ti deka ditanya pasal polisi ke bekaul enggau polisi servis piak ketiga, peda polisi nya ba laman web sida.

Kami amat beberatka pengelikun data personal nuan. Lebuh mindahka data, penerang pasal nuan deka dilalaika ngena Transport Layer Security (TLS). Kelimpah ari nya, kami netapka penyampau orang ke ulih akses sistem komputer kami. Kami mega netapka pengelikun kena nyaga data personal ba segi fizikal, elektronik sereta undang-undang ke bekaul enggau laman web.

Alamat e-mail ke direjista nuan lebuh ngaga akaun ba laman web tu deka dikena ngiga nuan bekaul enggau akaun nuan. Ngambika chunto, enti nuan enda ingatka user name tauka password sereta begunaka bantu kena log in, siti pesan deka dikirum ngagai nuan nengah e-mail ke udah direjista nuan.

Enti nuan meri duit pemeri nengah online, kami begunaka nama nuan sereta penerang kena ngiga nuan. Ngambika ulih nerima pemeri ke diberi nengah kad kredit, kami ngena servis nerima bayar nengah online ke dikemendarka sereta ngembuan sistem pengelikun enggau polisi ke nyaga data. Kami enda nyimpan tauka enda ulih akses penerang ke bekaul enggau kad kredit nuan, lumur akaun bank, tauka penerang bukai ke bekaul enggau akaun ti dikena nuan meri pemeri nengah online. Orang ke nerima pemeri nya deka nyimpan rikut transaksi abis lama sepuluh taun. Entara penerang ke disimpan iya nya kemaya pemeri nya diberi, penyampau ke diberi, sereta chara ke dikena meri pemeri. Enggau tu, kami ulih nitihka standard ngerikut akaun ke udah ditetapka sereta meri bantu enti bisi pekara ke nyadi bekaul enggau transaksi nya. Kami enda ngiga sereta ngasuh nuan nambahka pemeri nya.

Nuan ulih nganjung penerang diri (baka nama nuan, alamat rumah, enggau lumur talipaun) kena tuju bukai kelimpah ari meri pemeri tauka ngaga akaun (chunto minta belajarka Bup Kudus enggau enda bebayar). Kami ngumpul, nyimpan, sereta ngena penerang tu semina ke tuju ti udah dianjung nuan lalu seagi-agi iya bisi dikena.

Kami ngumpul sekeda penerang ngena chara automatik lebuh nuan ngelawa laman Web kami. Kami ngumpul penerang tu ngena “cookies,” “web beacons,” enggau teknologi ke sebaka. Leka jaku cookies ba polisi penerang diri tu bisi reti ti besai lalu nyengkaum teknologi ke sebaka chunto iya baka “local storage.”

Cookies. Baka laman Web ke bukai, lebuh nuan ngelawa laman Web tu data ke dikumbai “cookie” deka disimpan ba talipaun binching, tablet tauka ba hard drive komputer nuan. Bisi mayuh bengkah bansa cookies ti ngereja lain pengawa lalu ulih ngemudahka agi lebuh nuan ngena laman Web tu. Kami ulih ngena cookies kena nemu enti nuan kala ngelawa laman Web tu tauka nulung ngingatka utai ke udah dipilih nuan maya nuan ngelawa laman Web tu suba. Ngambika chunto, bansa jaku ti dipilih nuan maya ngelawa jw.org deka disimpan ba cookie ngambika bansa jaku tu dipilih baru maya nuan masuk ngagai laman Web tu baru. Kami enda ngena cookies kena ngaga iklan.

Cookies ke dikena ba laman Web tu ulih dibagi ngagai siti ari tiga kategori:

1. Strictly Necessary Cookies—Tu beguna kena ngemendarka nuan ngena sekeda utai ba laman Web, baka log in tauka nganjung pom. Enti nadai cookies tu, utai ke dipinta nuan, baka meri pemeri, enda ulih digaga. Tu mega nyengkaum cookies ti ngemendarka kami nyediaka utai ke dipinta nuan enggau spesifik lebuh nuan ngelawa laman Web kami. Cookies tu enda ngumpul penerang pasal nuan ti ulih dikena ba pengawa dagang tauka ngingatka laman Web ke kala dilawa nuan.

2. Functionality Cookies—Tu ngemendarka laman Web ngingatka utai ke dipilih nuan (chunto iya user name, bansa jaku, tauka menua alai nuan diau) lalu ngemanahka agi laman Web nya kena ngemudahka nuan ngena iya.

3. Analytical Cookies—Tu beguna kena ngumpul penerang pasal penyampau orang ke ngelawa laman Web tu, chunto penyampau laman Web dilawa tauka purata pengelama sida ngena laman Web tu. Penerang tu semina dikena ngemanahka agi laman Web tu.

Sekeda cookies iya nya first-party cookies ditentuka laman Web kami. Kebukai nya third-party cookies ditentuka domain ke enda sebaka. Kami semina ngena first-party cookies, tang bisi mega ngena third-party cookies ke bisi bekaul enggau Google reCAPTCHA. Google reCAPTCHA dikena ngelala orang ari komputer ngambika ulih nyeliahka ari spam automatik. Peda polisi penerang diri Google ba https://www.google.com/intl/en/policies/privacy/.

Web Beacons. Laman ba laman Web kami engka ngembuan pail elektronik mit ke dikumbai web beacons ti ngemendarka kami ngerikut pengawa, baka kemaya nuan ngelawa siti-siti laman. Web beacons dikena ngambika nemu chara laman Web tu dikena lalu dikena monitor iya.

Ngena alamat IP. Alamat IP nya siti kod lumur ke dikena nemu komputer nuan ba internet. Kami ngena alamat IP nuan sereta bansa browser kena meresa gaya ngena lalu mansik penanggul ba laman Web tu enggau ngemanahka agi utai ke diberi kami ngagai nuan.

Pemutus Nuan. Mayuh browser ngemendarka nuan madam cookies tauka nerima warning sebedau siti cookie disimpan ba perengka elektronik nuan. Peda ba penerang browser kena belajar chara ngaga tu. Kingatka, nuan enda ulih ngena semua perengka ba laman Web kami enti nuan nadai cookies.

Scripting dikena ngemanahka agi utai ke bisi ba laman. Ngena teknologi scripting ngasuh laman mulaika penerang jampat agi ngagai nuan. Scripting enda kala dikena laman nepuka software ngagai komputer nuan tauka ngambi penerang ke enda dikemendarka ari nuan. Active Scripting tauka JavaScript enda tau enda dipasang ba browser bagi sekeda begian dalam laman ngambika ulih bejalai enggau manah. Mayuh browser nejuka utai tu dipasang tauka dipadam ba sekeda laman. Peda dokumen pasal browser kena belajarka chara masang scripting ba laman ke dipilih.

Lebuh nuan ngena laman web tu, nyengkaum download semua litaricha, video, tauka program audio, semua nya pechuma aja. Nuan enda ibuh muka akaun, meri pemeri, tauka ngereja nama-nama utai ke begunaka data personal enti deka bulih penguntung ari laman web tu. Taja pia, enti nuan empu deka muka akaun, meri pemeri, minta belajarka Bup Kudus enggau pechuma, tauka ngereja utai ke begunaka data personal, nuan bepegai ba Privacy enggau Cookies Policy tu; data disimpan ba server di Amerika Serikat; pengawa ngumpul, proses, mindah, sereta nyimpan data personal nuan digaga Watchtower enggau gerempung ke nyukung Saksi-Saksi Jehovah ba mayuh bengkah menua kena proses utai ke dipinta nuan. Data ke digumpul bepanggai ba utai ke deka digaga nuan dalam laman web nya. Ngambika chunto, enti nuan meri pemeri ngagai siti gerempung ke sah ba siti-siti menua, nama nuan enggau penerang pasal nuan deka diberi ngagai gerempung ke sah nya kena ngelala nuan lebuh nuan meri pemeri. Chunto bukai, enti nuan minta belajarka Bup Kudus, nama nuan enggau penerang pasal nuan deka diberi ngagai pampang opis Saksi-Saksi Jehovah ngambika peminta nuan ulih diberi.

Enti nuan enda ulih nyediaka data personal ke dikena muka akaun, meri pemeri, tauka utai bukai ari laman web tu ke begunaka data personal, kami enda ulih meri peminta nuan.

Enti kami bisi ka nukar Privacy enggau Cookies Policy, kami deka madahka utai ke ditukar nya ba laman tu ngambika nuan nemu penerang ke digumpul kami enggau baka ni kami ngena iya.

Nitihka undang-undang, nuan engka ulih bisi hak ke mayuh agi pasal data personal nuan. Tu ulih nyengkaum hak kena akses, ngemetulka tauka muai data personal nuan ke udah diberi ngagai kami ngena laman web tu. Enti tu ngena ba menua nuan, nuan deka bulih penerang kena ngiga ba ditu here. Enti utai ke ditanya nuan pasal data personal bekaul enggau pemeri, giga meh penerima ari pemeri nuan nya, lebuh proses pemeri nya digaga nuan sereta padahka mega resit pemeri ke digaga nuan.