Ngingatka Pemati Jesus
Hari Enam, 12 April 2025
Tiap taun, Saksi-Saksi Jehovah ngingatka pemati Jesus nitihka utai ke diasuh iya: “Terus meh ngereja tu kena ngingatka aku.”—Luke 22:19.
Kami ngelaluka nuan datai.
Tanya ke Suah Ditanya
Berapa lama program tu?
Lebih kurang sejam.
Ba dini program tu deka dipejalaika?
Tanya meh siku ari Saksi-Saksi Jehovah ba endur nuan kena ngiga mayuh agi penerang.
Kati patut mayar yuran kena enggau program tu?
Nadai.
Kati bisi ngumpul duit pupu ba program tu?
Nadai.
Nama gaya gari ke patut dikena?
Kami nadai netapka gaya gari ke patut dikena ba program tu. Tang Saksi-Saksi Jehovah bebendar nitihka jaku lalau Bup Kudus kena begari enggau pengumbas iya sereta nunjukka basa. (1 Timoti 2:9) Nuan enda ibuh ngena gari ti mar, semina patut begari enggau pengumbas iya.
Nama pengawa maya Ngingatka Pemati Jesus?
Gempuru deka berengkah sereta ditutup enggau lagu, pia mega sampi ke dikenataika siku Saksi-Saksi Jehovah. Batang pekara ke dikemeratka maya Ngingatka Pemati Jesus tu, pasal pemesai guna tebus ke diberi Jesus, lalu nama pemanah ke diulih kitai ari utai ke udah digaga Petara sereta Jesus.
Enti deka nemu mayuh agi penerang, peda meh artikel ke betajuk, “Nama Kebuah Chara Saksi-Saksi Jehovah Ngingatka Hari Pemati Jesus Bebida ari Pengarap Bukai?”
Kemaya Pengawa Ngingatka Pemati Jesus deka diintu ba taun ti deka datai?
2025: Hari Enam, 12 April
2026: Hari Empat, 2 April
Nuan Engka Rindu Meda Tu
NGINGATKA PEMATI JESUS
Ngingatka Pemati Jesus
Kami enggau gaga ati deka mai nuan datai begulai enggau kami ba pengawa ti beguna bendar tu. Nuan deka nemu baka ni pengidup enggau pemati Jesus ulih meri berekat ke nuan.
ESSENTIAL BIBLE TEACHINGS
Nama Kebuah Jesus Mati?
Nuan nemu, iya mati ketegal deka nebus dosa kitai. Tang kati pemati seiku orang amat ulih meri penguntung ngagai bejuta iku nyawa?