Kemayuh agi, pengawa kami ba serata dunya disukung ngena duit pemeri ke datai ari Saksi-Saksi Jehovah empu. a Kutak pemeri bisi disediaka ba endur kami begempuru. Pia mega, ba laman Donations kami bisi madahka chara bukai enti deka meri duit pemeri. Tiap iku orang ulih milih sekalika sida deka meri pemeri kena nyukung belanja ba endur sida empu, pengawa ba serata dunya, tauka kedua-dua nya sekali.

 Saksi-Saksi Jehovah enda ngeletak penyampau duit pemeri tauka minta pemeri sepuluh peratus ari penyampau duit ke diulih orang. (2 Korint 9:7) Kami nadai minta duit pupu tauka minta bayar lebuh datai ke gempuru kami. Pia mega, bala menyadi kami nadai minta bayar lebuh meri cheramah baptisa, pengawa ngintu orang mati, pengerami kawin, tauka pengawa bukai ke bekaul enggau pengarap. Kami nadai ngulihka duit ari pengawa bejualka kek, muka kedai, game bingo, pengerami, makai malam, tiket bertuah, tauka pengawa bukai ke baka nya. Kami mega enda minta orang bukai meri kami duit. Penerang pasal orang ke meri duit pemeri enda dipadahka. (Matthew 6:2-4) Laman web enggau litaricha kami nadai ngembuan iklan bebayar.

 Ninting bulan, tiap iti eklisia Saksi-Saksi Jehovah madahka riput duit eklisia sida ba gempuru, reti nya ba mua bala mayuh. Akaun eklisia diaudit ba maya ti udah ditetapka. Tu kena nentuka duit pemeri dikena enggau chara ti patut.—2 Korint 8:20, 21.

•   Kutak pemeri: Kita ulih nepuka duit pemeri ngena tunai tauka cek ba Palan Gempuru, ba Palan Gempuru Besai, tauka ba endur bukai alai gempuru kami bisi diatur.

•   Pemeri nengah online: Ba mayuh menua, kita ulih ngena laman “Donate to Jehovah’s Witnesses” lebuh meri pemeri ngena kad kredit, kad debit, mindahka duit ari bank, sereta chara elektronik ke bukai. b Sekeda ari Saksi udah netapka penyampau ke deka diberi ninting bulan ngena siti ari chara ke disebut tu, lalu ba maya ti udah ditetapka, penyampau nya deka diputung ari akaun sida.—1 Korint 16:2.

•   Pelan meri pemeri: Sekeda pemeri begunaka pelan tumu sereta/tauka bisi kaul enggau undang-undang. Pelan ke baka tu engka ulih nulung ngurangka penyampau chukai ke patut dibayar nuan. Mayuh orang bulih penguntung lebuh dipadahka tumu pasal pemeri ke ulih diberi maya sida agi idup tauka maya sida udah nadai. Nuan ulih betanya ngagai pampang opis Saksi-Saksi Jehovah ba endur nuan empu, enti deka meri pemeri ngena chara ke dipadah ba baruh tu:

  •   akaun bank

  •   pelan insuran enggau pelan pinchin

  •   Tanah tauka rumah

  •   stok enggau bon

  •   will enggau trusts

 Enti deka nemu mayuh agi penerang pasal chara meri pemeri ba endur nuan, peda meh laman “Donate to Jehovah’s Witnesses.”