Au. Seseiku orang ulih ngetu enggau dua iti syarat tu:

•   Minta enggau rasmi. Iya ulih madah tauka nulis surat ngagai gerempung Saksi-Saksi Jehovah pasal pemutus iya.

•   Ulah. Iya ngereja sesiti pengawa ke nunjukka iya udah enggai agi nyadi seiku ari Saksi Jehovah. (1 Peter 5:9) Ngambika chunto, iya engka nitihka pengarap bukai, lalu nunjukka diri deka nitihka pengarap nya.—1 John 2:19.

 Enda. Orang ke lemi ba pengarap enda sama enggau orang ke nadai ati nyadi Saksi Jehovah agi. Taja pan iya enda aktif ba pengawa Kristian, tu ukai reti iya udah ninggalka gerempung kami. Orang nya lemi engka bisi utai ke ngasuh iya berasai asa. Nya alai, kami enggau naka ulih merindang sereta meri tulung ke diguna, ukai muai iya. (1 Tesalonika 5:14; Jude 22) Enti iya deka ditulung, tuai gempuru enggau gaga ati meri iya sukung ke diguna.—Galatia 6:1; 1 Peter 5:1-3.

 Taja pia, tuai gempuru nadai hak mejal orang nyadi Saksi-Saksi Jehovah. Tiap iku orang patut ngaga pemutus kediri empu pasal tu. (Josua 24:15) Kami pechaya, orang ke nyembah Petara patut ngereja nya enggau pengabis ati.—Masmur 110:3; Matthew 22:37.