Ba Bup Kudus jaku Gerika, kekadang nyalin “gerija” mai reti seraban penyembah. Ukai nerang pasal sesiti bengunan tauka endur sida begempuru.

 Peratika chunto tu: Maya rasul Paul meri tabi basa ngagai sepasang laki bini Kristian ke benama Akuila enggau Prisila, iya nambah, “Aku ngirumka tabi basa ngagai raban eklisia ke begempuru dalam rumah seduai iya.” (Rome 16:5, Contemporary English Version) Tu terang nunjukka, Paul enda meri tabi basa ngagai sesiti bengunan, tang ngagai orang tauka eklisia ke begempuru dalam rumah. a

 Nya kebuah, kami ngena leka jaku “Palan Gempuru” maya madahka pasal endur kami meri sembah, ukai gerija.

 Rambai jaku tu ngena laban:

•   Bengunan nya siti diwan, tauka endur begempuru.

•   Kami begempuru nyembah Jehovah, Petara ke disebut dalam Bup Kudus, lalu deka besaksi tauka nerang pasal Iya.—Masmur 83:18; Isaiah 43:12.

•   Kami mega begempuru belajar pasal Perintah Petara ke selalu diajar Jesus.—Matthew 6:9, 10; 24:14; Luke 4:43.

 Nuan dikelaluka datai ngagai Palan Gempuru ke semak nuan, lalu meda baka ni gempuru Saksi-Saksi Jehovah dipejalaika.