Namegafu ta Oktubre 7, 2023, egga i grabe nga krimen anna gerra ta Israel anna ta Gaza Strip. Rinivu nga totolay i mawag nga magevacuate. Segun ta report, natantia nga egga ngana i ma-4,200 nga natay.

• Awan tu natay onu na-injure ta wawwaragi tam

• 93 nga publisher i nagevacuate

• 3 nga balay i egga i minor damage na

• Awan tu nadaral nga Kingdom Hall

• I circuit overseer ira anna i elder ira tatun ay mangiyawa tu espiritual anna praktikal nga uffun ta nafektan ira na gerra

• Egga i natunno nga Disaster Relief Committee nga mangirollu ta panguffun ta makawag ira

Ikaguman na wawwaragi ta nafektan ira nga lugar nga pattalupaddianan i espiritual nga rutina da gukaban na tulu-tuloy nga paggarammammung da ta videoconference. Kinagi na tadday nga circuit overseer: “Maski nu mariga i situasion kadaggaw megafu ta ari mi ammu nu anni i mesimmu, makapagaram lagapa nga masingan i masikan nga pangurug anna minassakrifisio nga aya na wawwaragi ta kataggi-tadday.”

Iddanamattam i ketuppal na promesa na Biblia nga ‘magimmang i gerra ira ta tanga-ravvunan.’—Salmo 46:9.