Turi ta Hulio 2024, nabuu i Typhoon Gaemi a ta western Pacific Ocean. Ari nga nal-landfall i bagiu ta Pilipinas ngem mas pinasikan natun i uran, anna megafu tatun aru i nadaral, nabaha, na-landslide ira ta Manila anna ta aranni ira nga lugar tatun. Natantia nga ma-4.8 million nga totolay i nafektan. Maturu tu 600,000 nga totolay i mawag nga panawadda i babalay da, anna egga i 39 nga natay.

• Awan tu natay onu na-injured nga wawwaragi tam

• 155 nga publisher i nagevacuate, ngem aru ngana nira i nanoli ta babalay da

• 2 nga balay i interamente nga nadaral

• 11 nga balay i grabe i daral na

• 42 nga balay i egga minor damage na

• 11 nga Kingdom Hall i egga minor damage na

• 6 nga Disaster Relief Committee i natunno nga mangirollu ta pangiyawa tu relief

• Mangiyayawa tu espiritual anna praktikal nga uffun i Circuit overseer ira anna i lokal elder ira ta nafektan ira na baha

Tulu-tuloy nga ipakimallo tam i nafektan ira taw nga bagiu, anna mappabalo ittam kani Jehova ta yayya ‘i mamatuyag’ gukaban na panguffun anna panangngaw ta wawwaragi tam ira.​—Isaias 33:6.