Ta Nobiembre 17, 2023, nallunig tu magnitude 6.7 ta southern Philippines. Egga ta unag na bebay i epicenter na lunig, ma-26 kilometro ta zita na Mindanao. Aru nga building i nadaral ta Davao Region, General Santos City, anna Sarangani. Egga gapa i nadaral ira nga fasilidad na gobiernu, eskuela, anna shopping mall. Aru gapa nga babalay i nadaral.

• Kaddaraddam, 1 nga sister i natay

• 10 nga wawwaragi i na-injure. Tadday nira i atawa na circuit overseer nga nekurag ta hospital ngem makasta ngana i situasion na

• 4 nga balay i egga i major damage na

• 4 nga balay i egga i minor damage na

• 2 nga Kingdom Hall i egga i minor damage na

• Egga i natunno nga Disaster Relief Committee nga mangirollu ta panguffun ta makawag ira

• Nangiyunnug i circuit overseer ira anna i elder ira tu shepherding visit ta nafektan ira

Ipakimallo tam i wawwaragi tam nga nafektan naw nga lunig anna mappabalo ittam ta wawwaragi nga manangngal ta nira. Mattalo ittam nga maski ta mariga anna magulu nga tiempo tam, iyawa na Batu tam nga si Jehova nga Dios i sikan nga kawagattam tapenu makapagattam.—1 Samuel 2:2.