Nal-landfall i Bagiu nga Rai (Bagiu nga Odette) ta nadduruma nga parte na Pilipinas ta Disiembre 16-18, 2021. Magadde i sikan na paddag na tu 195 kilometro kada oras turi ta nal-landfall ta Siargao Island, Philippines. Aru i nadaral ta probinsia na Northern Mindanao, Southern Luzon, anna Visayas.

• Makaparaddam ta 4 nga publisher i natay

• 1 nga publisher i ari paga nalegan

• 12 nga wawwaragi i na-injured

• Maturu tu 2,000 nga publisher i nagevacuate

• 246 nga babalay i interamente nga nadaral

• 327 nga babalay i grabe nga nadaral

• 1,174 nga babalay i ari kuruga nadaral

• 43 nga Kingdom Hall i ari kuruga nadaral

• 6 nga Disaster Relief Committee i mangirollu ta pangiyawa tu relief

• Banna-bannayan na elder ira tatun nga lugar danuri i nafektan anna i natayan ira

• Matuttul i COVID-19 safety protocol ta pangiyawa tu relief

Ta pangigiya na elder ira, i wawwaragi ira nga ari nafektan na bagiu ay naddona tu makan anna sinnun ira para ta wawwaragi nga nafektan na bagiu. Netaneg insigida i relief ira nga makan nga neprepara ta Davao City ta familia ira ta Surigao City.

Makaparaddam ta egga i iddeddukattam nga wawwaragi i natay ta bagiu. Ta pagattattam tam taw nga tiempo na “ziga-riga,” itulu-tuloy tam nga mattalo kani Jehova nga banna-bannayan anna pasikannan na ittam.—2 Timoteo 3:1.