Kinanna na magnitude 7.8 nga lunig i southeastern Turkey ta ummumma na Lunes, Pebrero 6, 2023. Kabalin natun, nallunig uli tatun balaman nga lugar tu magnitude 7.5. Aru ngana nga masisikan nga aftershock i nesimmu tatun nga lugar. Maturu ngana tu 21,000 i natay anna maturu gapa tu 74,000 i na-injure.

• Kallungkut ta 1 nga bako nga sister i natay ta siudad na Adana

• Tadday nga brother, i atawa na, i ana da, anna tadday nga kaparientes da i na-trap magadde sangawe ta nadabba nga building ta siudad na Adiyaman

• 3 nga babalay i nadabba

• 17 nga babalay i nadara-daral

• 17 nga babalay i baddi laman i daral na

• 1 nga Kingdom Hall i nadara-daral

• 1 nga Kingdom Hall i baddi laman i daral na

• Banna-bannayan anna pasikannan ta espiritual na mangirollu ira nga brother danuri nafektan na lunig

• 2 nga Disaster Relief Committee i nabuu tapenu irolluan i panguffun ta wawwaragi

Nebase ta latest ira nga report i bilang ira ta utun.

Maski nu kappaganassing i nesimmu nga lunig anna masiki-sikan i aftershock ira, mabanna-bannayan lagapa i wawwaragi tam ta ammu da tu si Jehova “i mangiyegu anna mamasikan nittam, ta tiempo na gulu ay minangnguffun nga sigga-paran.”​—Salmo 46:1.