MATTOLAY NGA CRISTIANO
Sinni i Magaggangngua tu Uray ni Jehova ta Maddaggun? —Nu Kunnasi Usan
Nadisenio i brosiur nga Sinni i Magaggangngua tu Uray ni Jehova ta Maddaggun? tapenu meyusa ta gafu onu ultimo na kada sesion na bible study. * Mammuan na Bible study ira nu sinni ittam ta leksion 1 adde ta 4, magigiammuda ta leksion 5 adde ta 14 i aktibidad tam ira, anna masingadda ta leksion 15 adde ta 28 i kukukuan na organisasiottam. Makasta nu magigiammu i leksion ira segun ta patturunugda fuera laman nu egga i leksion nga kakayà ngana mammuan na estudiante. Tadday nga pahina laman i kada leksion yari tu mapaguvovugan laman yaw ta unag na lima adde ta mafulu nga minuto.
-
Ipasingan i pakkiavu nga titulo na leksion
-
Bibbigannu i leksion, awayyana tu interu onu kada seksion
-
Paguvovugan i nabibbignu. Usan i pakkiavu ira ta gukag na pahina anna i letratu ira. Bibbigan anna paguvovugan i teksto ira nu mepangngo. Ipasingan nga tabbagan na subtitulo ira i titulo
-
Nu egga i kahon nga “I Puedem nga Kuan,” bibbigannu yatun anna pagaramman i estudiantem nga kuan i suhestion
^ par. 3 I online nga edision i pinaka-updated nga bersion na brosiur.