Nadisenio i brosiur nga Magginna Ka ta Dios Tapenu Mattolay Ka tu Mannanayun tapenu metuddu i kinakurug ta Biblia gukaban na letratu ira ta totolay nga marigatan mabbibbig. Awayya usan yaw na estudiante ira nga limitadu i abilidadda nga mabbibbig. Egga ira i kahon para ta informasion paga nga awayyana mapaguvovugan, depende ta abilidad na estudiante.

Awayyam ipalima i brosiur, maski nu ari yaw i mepalima ta vulan. Nu makkondukta tu Bible study, usammu i ilustrasion ira tapenu iyesplika i rekord ta Biblia. Makkiavu ta estudiante anna siguraduan nga nalippawana. Bibbigan anna paguvovugan i teksto ira ta gukag na kada pahina. Kabalinnu magigiammu i brosiur, gigiammuan i Anni Talaga i Ituttuddu na Biblia? tapenu moffunan i estudiante nga mapprogreso ta bawtismo.