“Mappara-parak-kamu”
Maski nu nakadirekta ta nazelugan ira nga tagatuttul ni Jesus i kinagina meyannung ta mafulu nga mammaginganay, meyaplika i mensahe naw ta ngamin nga Cristiano. (w15-TG 3/15 12-16) “Yatun tu mappara-parak-kamu, ta arian nu nga ammu i aggaw onu oras.” (Mt 25:13) Meyesplikam kari i ilustrasion ni Jesus?
-
Nobio (ber. 1)—Jesus
-
Nannono, nakaprepara nga mammaginganay (ber. 2)—Nazelugan ira nga Cristiano nga nakaprepara nga matalo nga ituppal i annungadda anna mabbalin tu nawag adde ta panuppalan (Fil 2:15)
-
I pakkulle: “Egga ngana i nobio!” (ber. 6)—Ebidensia na presensia ni Jesus
-
Awan tu nonona nga mammaginganay (ber. 8)—Nazelugan ira nga Cristiano nga manafung ta Nobio ngem ari nattalupaddian nga nakaparan anna ariadda pinattalupaddian i integridadda
-
Manaki na nannono nga mammaginganay nga ibillay i denuda (ber. 9)—Kabalin na ultimo nga passelyo, ari ngana moffunan na matalo ira nga nazelugan i sinni laman nga nabbalin tu ari matalo
-
“Limibbe i nobio” (ber. 10)—Duttal si Jesus tapenu mangukum ta pangultimo na dakal nga ziga
-
Nevulu i nannono nga mammaginganay ta nobio ta abbodan, kabalinna naserran i puerta (ber. 10)—Ammungan ni Jesus ta langi i matalo ira nga nazelugan, ngem mawawan na ari matalo ira i nelangitan nga bala-baloda