Disiembre 30, 2024–Enero 5, 2025
SALMO 120-126
Kansion 144 Anna Pakimallo | Introduksion (1 min.)
Magayayya nga maggatab i Israelita ira nga nakatoli naggafu ta pakka-aripadda ta Babilonia megafu ta binendisionan ni Jehova i lallappo da
1. Siminatangi Ira nga Nammula, Ngem Nagayayya Ira nga Naggatab
(10 min.)
Magayayya i Israelita ira turi ta nanaw ira ta Babilonia tapenu itoli i marenu nga paddayaw (Sal 126:1-3)
Awayya na nga siminangi danuri nanoli ta Judea megafu ta aru nga pappursigi i mawag nga kuadda (Sal 126:5; w04-TG 6/1 16 ¶10)
Megafu ta pappursigi da, nabendisionan ira (Sal 126:6; w21.11 24 ¶17; w01-TG 7/15 18-19 ¶13-14; innan i letratu)
PANNONOPAN: Kabalittam mapaliag taw nga mundo ta Armagedon, anni ira i mariga nga keparubangattam sonu mepataddag uli i ngamin? Anni ira nga bendision i malawa tam?
2. Espiritual nga Minas
(10 min.)
-
Sal 124:2-5—Ekspektattam kari nga protektan ittam ni Jehova kagitta na kingngua na ta nasion na Israel? (cl-TG 73 ¶15)
-
Ta pabbibbig tu Biblia taw nga ligguan, anni ira nga espiritual nga minas i nalerammu?
3. Pabbibbig tu Biblia
(4 min.) Sal 124:1–126:6 (th leksion 5)
4. Pangigafu tu Pakiyuvovug
(3 min.) PUBLIKO NGA PALLAYYAGAYYA. (lmd leksion 3 mekalima nga punto)
5. Passinoli
(4 min.) PAMALA-BALAY. Ta nappasa, kinagi na makabbalay nga madduda yayya ta Biblia. (lmd leksion 9 mekalima nga punto)
6. Pabbalinan Nu Ira tu Disipulo
Kansion 155
7. Magayayya ta Promesa ira na Dios
(15 min.) Paguruvovugan.
Sinuppal ni Jehova i promesa na ta totolay na nga naaripan ta Babilonia. Pinaliag na ira anna pinakoma na i liwi-liwa da. (Isa 33:24) Prinotektan na ira anna i ayam da ta leon anna simaron ira nga ayam nga naddian tatun durante ta nika-aripadda ta Babilonia. (Isa 65:25) Magayayya ira nga maddian ta sarili da nga balay anna kanan i vunga ira na nimula da. (Isa 65:21) Binendisionan ira na Dios, anna anaddu i pinattolay da.—Isa 65:22, 23.
Waterfall: Maridav/stock.adobe.com; mountains: AndreyArmyagov/stock.adobe.com
Ipagiraw i VIDEO nga Magayayya ta Promesa na Dios nga Imammo—Excerpt. Kabalin na, iyavu:
-
Kunnasi tam masingan i ketuppal naw nga profesiya sangawe?
-
Kunnasi nga matuppal danatun ta napabagu nga mundo?
-
Anni nga promesa i kakayà mu nga matuppal?
8. Paggigiammu na Kongregasion tu Biblia
(30 min.) bt-TG kap. 20 ¶8-12, kahon ta p. 161
