Egga ira i tiempo nga maraddam ittam. Nu makatageno ittam tu kunnatun, arian na kayà kagian nga makafi i espiritualidad tam. Ari kari nga natageno gapa ni Jehova i kunnatun? (Ge 6:​5, 6) Ngem kunnasi nu maruddu onu kana-kanayun ngana laman nga fermi i daddam nga mataga-tageno tam?

Makimallo ka kani Jehova para ta uffun. Kuruga ikavurungan ni Jehova i mental anna emosional nga gawa-gawayyattam. Ammu na nu magayayya ittam anna nu maraddam ittam. Malippawa na nu ngatta manonono anna mataga-tageno tam i tadday nga gannug. (Sal 7:9) I pinaka-importante, iddeddukan ittam ni Jehova anna maduffunan na ittam tapenu marubattam i daddam onu depression nga mataga-tageno tam.—Sal 34:18.

Immugurammu i mental nga gawa-gawayyammu. Makafekto i negatibo nga mataga-tageno tam ta pagayayya tam kunne na gapa ta paddayaw tam. Yatun i gafu na nu ngatta mawag nga immugurattam i futu tam—i interu nga kata-katolay tam.—Pr 4:23.

GIRAWAN I VIDEO NGA MEMAMMO I WAWWARAGI TAM MASKI MEPARUBANG TA DEPRESSION, KABALIN NA, TABBAGAN I TUMUNUG IRA NGA PAKKIAVU:

• Anni ira i kingngua ni Nikki tapenu marubang na i depression na?

  I tabbag mu

• Ngatta natageno ni Nikki nga mawag na i mappadoktor?—Mt 9:12

  I tabbag mu

• Kunnasi nga nattalo si Nikki ta panuffun ni Jehova?

  I tabbag mu