MATTOLAY NGA CRISTIANO

Duffunan Danuri Ari tu Relihioso Tapenu Mammammu Da i Namaratu

I-PLAY

Naggaggag ka ngana kari nga nallayyagayya ta totolay nga ari tu relihioso, ta baka ari mabba ira nga magginna? Nu wan, nonopammu nga aru nga ari tu relihioso i nabbaling tu Saksi ni Jehova, nelavu ngana i ateista ira. Mawag laman balo na aru ta nira i uffun nga usitakkan i ebidensia ira nga egga i Dios.—Ro 1:20; 10:14.

GIRAWAN I VIDEO NGA AWAYYA NA NGA MANGURUG I AWAN TU PANGURUG NA!—TOTOLAY NGA ARI TU RELIHIOSO, KABALIN NA, TABBAGAN YAW NGA PAKKIAVU:

Kunnasi nga nakaduffun niko i ekspiriensa ni Tommaso tapenu mabbalikka tu positibo ta pallayyagayya ta totolay nga ari tu relihioso?

I tabbag mu

Nu kunnasi nga kuan

Nu kagian na tolay nga ari yayya nga mangurug ta Dios, masippo anna marespeto ka lapa nakuan anna mabbalikka tu kurug nga interesadu ta nononopan anna mataga-tageno na meyannung tatun. (2Ti 2:24) Pabbidan nu i topiko ira nga awayya na nga makala ta interes na. Kayà na kari nga pabbidan i pamakurug ira nga nangumbinsi ta aru tapenu kurugadda nga egga i Namaratu? Nu kayà na, usammu i publikasion anna video ira nga napadday para tatun. Neyammung ta Teaching Toolbox tam i brosiur nga Saan Nagmula ang Buhay? anna i The Origin of Life—Five Questions Worth Asking tapenu mabi nga ma-access.

Ta gafu, awayya na nga maggaggag ka nga ituddu i kinakurug ta tolay nga ari tu mangurug ta Dios. Awayyam i mappaduffun ta ekspiriensadu nga publisher. Tadday paga, maduffunan ittam ni Jehova tapenu madde tam i futu na mepangngo ira—maski nu ta gafu, ari ira nga mangurug nga egga i Dios.—King 13:48, NW.

WORKBOOK TA STUDY NGA PATTOLAY ANNA MINISTERIO