Aru i ari nga mattattalo ta totolay nga egga ta autoridad. Ammu tam nu ngatta. Aru gare nga totolay i mangabuso ta autoridad da tapenu laman pagustuadda i baggi da. (Mik 7:3) Pia ngana laman ta natudduan i elder ira ta kongregasion nga usadda i autoridad da para ta pammakapianan na ili ni Jehova.—Es 10:3; Mt 20:​25, 26.

Ari tu kagitta na egga ira ta autoridad taw ta mundo, kukukuan na elder ira i annungadda megafu ta aya da kani Jehova anna ta totolena. (Jn 21:16; 1Pe 5:​1-3) Ta pangirollu ni Jesus, dudduffunan na elder ira i kada publisher tapenu matageno da nga parte ira na familia ni Jehova anna tapenu maddukko ira ta nisa. Nakaprepara ira nga manuffun ta karneru ira ni Jehova nu kawagadda i pamasikan ta espiritual, nu egga i medical emergency, onu kalamidad. Nu kawagammu i uffun, umaranni ka laman ta elder nu ira ta kongregasion nu.—San 5:14.

GIRAWAN I VIDEO NGA TATTANGNGALLAN NA PASTOR IRA I KARNERU IRA, KABALIN NA, TABBAGAN I TUMUNUG IRA NGA PAKKIAVU:

• Kunnasi nga naduffunan na elder ira si Mariana?

  I tabbag mu

• Kunnasi nga naduffunan na elder ira si Elias?

  I tabbag mu

• Anni i matageno mu ta kukukuan na elder ira kabalimmu nagiraw i video?

  I tabbag mu