PAKKIAVU 7
Anni i Niprofesiya na Biblia Meyannung ta Kaggawattam?
“Maggegerra noka i nasa-nasion, kunne na gapa ta pappatulan ira . . . Danaw nga ganna-gannug ay pamegafuanan laman na pazziga-riga.”
“Aru noka i luttuag nga appe-profeta nga mangiyawawan ta aru nga totolay. Mallummin noka i aya na aru nga totolay ta ikattolay da megafu ta umaru nga umaru i marakay.”
“Ari kamu mavurung nu maginna nu i guni na gerra anna dumug ira nga meyannung ta gerra. Ta mawag tu mesimmu danaw nga ganna-gannug, ngem ari paga tu yaw i panuppalan na.”
“Egga noka i masikan ira nga lunig, bisin anna palakag nga tulu-tulagan onu epidemia ta madduma-ruma nga lugar. Kanninipang anna makapabbaw noka i panakkilalan ira nga masingan ta langi.”
“Ta pangurianan ira nga aggaw . . . ayatan na totolay i baggi da laman, anna kuartu laman i agga-nono da. Palagopog noka ira, minappakatannang, minangnguyu-uyaw, ari nga manguru-kurug ta magana da, ariad-da nga ammu i mabbala-balo, anna awan tu agganassing da ta Dios . . . , manattazzi paga noka ira, awan tu allo da ta ikattolay da, mamara-parake ira, ariad-da nga matangngallan i baggi anna nono da, kitapporay, anna ikalussaw da noka i mapia . . . , traidor paga noka ira, ariad-da nonopan i kuad-da, atatannang i paningannad-da ta baggi da, anna i ala-alerad-da noka i pappaga-pagayaya laman anne ta Dios. Appe tumuttul ira ta relihiot-tam ngem panakitad-da nga pangulian i kata-katolay da segun ta pakapangngua na.”