PAKKIAVU 10
Anni i Promesa na Biblia Para ta Mappange?
“I matunung ira ay irensiad-da i davvun, anna maddian ira taw tu mannanayun.”
“I davvun ay mattalupaddian tu mannanayun.”
“Sillunganna i patay tu mannanayun, anna i Soberano nga Yafu Jehova funatanna i lulua ta ngamin nga muka.”
“Tatun nga tiempo mavukatan i mata na vuling, anna i talinga na bangngag ay mavukatan. Tatun nga tiempo mallattu i pilay nga kagitta na utta, anna i zila na umal ay makkulle ta pagayaya. Ta i danum maggavvi ta tana-tana, anna weg ira ta disierto nga tana.”
“Funatan na ngamin i lulua da nga manuru, anna awan ngana noka tu matay, onu maraddam, onu tumangi-tangi, onu magattam ta taki. Ta napawan ngana ngamin i dana nga ganna-gannug.”
“Mangipataddag ira tu babalay anna maddian tatun, mammula ira tu kaubasan anna kanadda i vungada. Ari ira mangipataddag nga tanakuan i maddian, onu mammula nga tanakuan i kuman. Ta megitta ta aggaw na kayu i aggaw na ilì, anna i trabahu na limi-lima na napilì ira ay pagayayatadda tu mapia.”