“Ta tabbagam-mu i dasa-dasal mi ira. Ngamin i totolay ay aranniad-daka.”

Salmo 65:2

“Mattalo ka kani Jehova ta interu nga futum, anna ariammu nga mattalo ta mismu nga pakalippawamu. Ta ngamin nga laka-lakagmu ikonsideram yaya, tapenu tununganna i dala-dalammu.”

Proverbio 3:5, 6

“Yaw i inango nga adde ta ngangangay onu mannanayun: i pakannammu da tu sikaw i tattadday nga kurug nga Dios, anna i pakannammu da gapa kani Jesu-Cristo nga zinog mu.”

Juan 17:3

“Ta kakurugan na, ari tu arayyu [i Dios] ta kataggi-tadday nittam.”

Kingngua 17:27

“Idasa-dasal ku tu mas dumakal paga i pangaya nu ta kataggi-tadday nga mavulunan ta kurug nga pakannammu anna pakalippawa.”

Filipos 1:9

 “Nu egga nikamu i makkurang ta ka-uto, mawag tu makimallo ta Dios, ay meddan yaya. Ta vuka i palag na Dios anna sigga-allo nga mangiyawa ta maski anni ta ngamin nga totolay.”

Santiago 1:5

“Umaranni kamu ta Dios, ay umaranni yaya nikamu. Sikamu nga minattagaruli, baggawan nu i lima nu! Sikamu nga minaggappa-appe, pakarennuan nu i giffutuan nu!”

Santiago 4:8

“Nu ayatat-tam i Dios, parulattat-tam gapa i bili-bilin na, ay ari gammabba tu mariga nga tuttulan danaw.”

1 Juan 5:3