PAKKIAVU 2
Kunnasim nga Magigiammu i Meyannung ta Dios?
“Yaw nga libru na Dob ay ari nakuan nga meyarayyu ta simumu, anna mawag nga bibbigammu tu makafi aggaw anna gabi, tapenu matuttulmu tu mapia i ngamin nga nakatura taw; ta nu kunnatun makasta i pattuppalan na dalammu anna kunnatun makapagguyu ka tu masirib.”
“Nibala-balayudda i nabbibbig tu masikan ta libru, ta Dob na kurug nga Dios, nga ipaka-pakanawag yatun tu mapia anna mangiyayawa tu kebalinanna; yari tu noffunadda i totolay nga malippawa nu anni i mebibbibbig.”
“Mapalag i tolay nga pallikuran na i tabarang na marakay nga totolay ira . . . , ngem magayaya nga mamarulo ta Dob na YAFU; aggaw-gabi patalattappan na yaw ta napafutu. . . . Ngamin i kuan na ay mattuppal ta mapia.”
“Nakkara-karela yaya nga minaranni, ay naginna na tu maddaggun i ofisial nga mabbibbig ta libru ni Isaias. Niyavu sa ni Felipe, ‘Malippawa mu i kebalinan na bibbigam-mu?’ Simibbag i ofisial, ‘Kunnasi na pakalippawa ku nu awan tu mangipakanawag niakan?’”
“Namegafu paga gari ta nipamaro na Dios ta mundo, nannammuan ngana i mannanayun nga pakapangngua na anna ka-Dios na. Danaw ay ari nga masingan ngem manawag i kasingad-da ta ganna-gannug ira nga pinaro na. Yatun tu awan tu awayya na totolay nga papponnakigan.”
“Talakkurugam-mu onu nonopammu tu mapia nga kuan danaw nga annungam-mu tapenu masingan na ngamin nga totolay i papprogreso na trabahum.”
“Nonopat-tam nu kunnasi na pakka-uffu-uffut-tam nga mangipasingan ta aya anna pangngua ta mapia. Ariat-tam nga immangan i paggarammammung tam.”
“Nu egga nikamu i makkurang ta ka-uto, mawag tu makimallo ta Dios, ay meddan yaya. Ta vuka i palag na Dios anna sigga-allo nga mangiyawa ta maski anni ta ngamin nga totolay.”
