PAKKIAVU 5
Anni i Mensahe na Biblia?
“Mangipay ngà tu lussaw ta nallatanammu anna ta babay tuange ta gaka-gakam anna ta gaka-gakana. Mammokanna i ulum, anna dannalammu yaya ta tumang.”
“Gukaban na gaka-gakam ngamin nga nasa-nasion na davvun ay makalawa tu bendision para ta baggida megafu ta nagginna ka ta ngaralku.”
“Maparattal paray i Pammagurem. Makua i urem toye ta davvun ta kunne ta langi.”
“I Dios nga mangiyawa tu imammo ay mammokanna noka si Satanas ta gukag na takkinu ira ta ari ngana mabayag.”
Roma 16:20, NW
“Ngem noka nu si Cristo ngana i mammaguray ta ngamin nga adde na ganna-gannug, yaya mismu nga Ana ay ipay na i baggi na ta pammaguray na Dios nga nangipay ta ngamin nga ganna-gannug ta pammaguray ni Cristo. Ay i Dios ngana i mammaguray ta ngamin nga adde na.”
“Egga i nitabba na Dios kani Abraham tuange ta gaka na . . . si Cristo. Nu totolay nakamu ni Cristo, ginaka kamu gafu ni Abraham.”
“I pakawayya nga mammaguray ta tanga-ravvunan ay kua ngana na Yafu tam tuange ta Cristo nga zinog na. Yaya ngana i mammaguray adde noka nga awan tu panuppalan na.”
“I dakal nga dragon, yuri i iraw gari nga mangagan tu Demonio, onu Satanas nga minannabag ta tanga-ravvunan, ay napatavvar tuange ta ngamin nga anghel na, anna netabbo ira ta utun na davvun.”
“Ginafu na i dragon—i iraw gari ta ollu nga tiempo, nga yaya gabbalaman i Demonio onu Satanas. Kinawagan na yaya ta marivu nga dagun.”
