“Sikaw, O Betlehem Efrata, . . . maggafu nikaw ay mallawan para niakan i tadday nga mabbalin tu mammaguray ta Israel.”

Mikias 5:2

“Neyana si Jesus ta Betlehem nga tadday nga ili ta probinsia na Judea, gari ta ka-patul ni Herodes. Egga gapa turi nga tiempo i totolay nga naggigiammu ta meyannung ta biti-bitun. Naggafu danaw ta Zigattu anna minay ira ta Jerusalem.”

Mateo 2:1

“Passurugalad-da i sinnuk-ku ira tapenu billi-billayad-da ta kataggi-tadday nira.”

Salmo 22:18

“Ina da i sinnun na anna nabbirillayad-da nga appa. Ina da gapa i kapa na nga awan vuluvuga tu nattuvvugan na. Kud-da ta kataggi-tadday, ‘Ariat-tam nga pisilan. Parririfat-tam nu sinni i makala.’”

Juan 19:23, 24

“Ari nga makkukurang i panangngal sa na YAFU, ni tadday ta tulang na ira i makattu.”

Salmo 34:20

“Turi ta minaranni ira kani Jesus, nasingad-da tu natay ngana. Yatun tu ariad-da ngana nga kinattu i takki na.”

Juan 19:33

“Naduddug yaya para ta katagaruliattam.”

Isaias 53:5

“Tadday ta suddalu ira i nangiduddug ta pika na ta biko ni Jesus, ay insigida natturki i daga anna danum.”

Juan 19:34

“Pinagadda i taddakku, 30 pirasu na kuartu nga plata.”

Zacarias 11:12, 13

“Ta kabalin naw, yuri i mangagan tu Judas Iscariote nga tadday ta karaddua nga disipulo ira, ay minay ta darakal na papari. Kun-na nga niyavu, ‘Anni i iyawa nu niakan nu uffunat-takamu ta kagafu ni Jesus?’ Ay pinagad-da yaya tu tallu-fulu nga baggi na kuartu nga plata.”

Mateo 26:14, 15; 27:5