PAKKIAVU 16
Kunnasim nga Arubangan i Pakavurungan?
“Ipammakatalo mu ta YAFU i vuru-vurung mu ira, ay mala mu i pangiyegu na; arian na vuluvuga nga itulu tu i matunung nga tolay ay maffu.”
“I plano ira na matalikarag ay siguradu nga makasta i pattuppalanna, ngem ngamin nga magapa-apura ay siguradu nga mappobre.”
“Ari ka nga maganassing, ta egga ngà nikaw. Ari ka nga mavurung, ta sakan i Diosmu. Patuyaggattaka, wan, uffunattaka, talaga tammitattaka ta ziwanan nga limà na kinatunung.”
“Awayya nu kari gammabba nga amungan i kapaddu na attolay nu megafu ta avvuru-vurung nu?”
“Yatun tu arian nu nga kavurungan i mawag nu nonumma; ta egga laman i mekavurung ta kagaggaw. Arian nu ngana nga lannappan i problema nu tatun nga aggaw.”
“Pilian i kapianan ta ngamin.”
“Arian nu nga kavurungan i anni laman nga gannug. Ngem ta ngamin nga pakimallo nu nga kanayun nga mavulunan ta pabbala-balo, kiddawan nu ta Dios i mawag nu. Ay iyawa na Dios nikamu i imammo na nga ari malippawa na tolay. Yaw i manangngal ta nono anna giffutuan nu ta ketadday nu kani Cristo Jesus.”