“Mammuan nakuan na totolay nga sikaw, nga mangngagan tu Jehova, sikaw laman i Katannangan ta interu davvun.”

Salmo 83:18, NW

“Ammuannu nga si Jehova ay Dios. Yaya i nagangngua nittam, anna kukuana ittam.”

Salmo 100:3, NW

“Sakan si Jehova. Yatun i ngagakku; ariakku iyawa i glorià ta maski sinni, onu i dayò ta napadday ira nga imahen.”

Isaias 42:8

“Kada tadday nga magagal ta ngagan ni Jehova ay mepaliag.”

Roma 10:13, NW

“Kurug tu tolay i namataddag ta kada balay, ngem i Dios i nangngua ta ngamin nga ganna-gannug.”

Hebreo 3:4

 “Itangagmu i matam ira ta langi anna innammu. Sinni i namaratu taw nga ganna-gannug? Yaya i Tadday nga mangilawan ta armadada segun ta bilang; agalanna ira ngamin ta mismu ngagan. Megafu ta abundansia na dinamiko nga enerhiyana anna makapabbaw nga pakapangnguana, awan tu maski tadday nira i mawawwawwan.”

Isaias 40:26