“Ngamin i egga ta Masanto nga Tura ay naggafu ta Dios.”​—2 Timoteo 3:16, I Bagu nga Pakkasinabban anna Salmo Ira.

Tabbaganna i importante ira nga pakkiavumu ta pattolay.​—Salmo 19:7-10.

Igiya naka ta inaggaw nga pattolem.​—Salmo 119:105.

Mangiyawa nikaw tu makasta nga iddanama.​—Roma 15:4.

Wan, gafu ta tallu nga rason:

• Ari tu makkorontra. Nitura na 40 nadduruma nga lallaki i Biblia ta unag na 1,600 dagun. Aru tannira i ari tu makkakilala. Ngem ari tu makkorontra gafu ta tattadday lamang i temana!

• Matalo ira i nangitura. Ilimak na sekular nga historiador ira i pakkaffu na nasionda. Ngem, i nangitura ira ta Biblia prangka nga niturada i mismu nga kamalida anna liwa na nasionda.​—Salmo 51:1-4; 78:40, 41.

• Matuppal i profesiyana. Neprofesiya na Biblia i kadaral na ollu nga siudad na Babilonia 200 nga dagun nige na niketuppal na. (Isaias 13:17-22) Ari na laman kinagi nu kunnasi kadaral na Babilonia, kinagina paga i ngagan na lider nga manaral ta!​—Isaias 45:1-3.

  Aru paga nga profesiya na Biblia i natuppal adde ta kabadditan nga detalyena. Ngem, ari kari tu yatun i ekspektattam ta Uvovug na Dios?​—2 Pedro 1:21.