Kinagi ni Jesus nga alawatan na totolay nga mapia i giffutuadda i kinakurug nu maginna da yatun. (Juan 10:4, 27) Kada makibbida ittam gafu ta totolay, kayà tam nga mangikagi tu kinakurug ira ta Biblia. Awayyam igafu gukaban na pakkiavu nga: “Ammum kari nga . . . ?” onu “Naginnam ngana kari nga . . . ?” Tapus usan i teksto onu teksto ira nga mangipakanawag tatun nga kinakurug. Nu makkagi ittam tu kinakurug ta Biblia ta tadday nga tolay, gitta na mammula ittam tu vukal ta futu na, anna awayya nga padakallan na Dios yatun nga nimula tam!—1 Cor. 3:6, 7.

•  Mappange

•  Familia

•  Dios

•  Pakimallo

•  Jesus

•  Pappatulan na Dios

•  Pazziga-riga

•  Patay

•  Relihion

 MAPPANGE

1. 1. Ipasingan na mesissimmu ira sangawe anna na ugu-ugali na totolay nga aranni ngana nga makkasta i paddia-paddian.​—Mat. 24:3, 7, 8; Luc. 21:10, 11; 2 Tim. 3:1-5.

2. 2. Ari vuluvuga nga madaral i davvun.​—Sal. 104:5; Ecl. 1:4.

3. 3. Awan ngana noka tu polusion anna mabbalin noka tu paraiso i davvun.​—Isa. 35:1, 2; Nep. 11:18.

4. 4. Awan ngana noka tu mattaki.​—Isa. 33:24; 35:5, 6.

5. 5. Awayyam i mattolay tu mannanayun ta davvun.​—Sal. 37:29; Mat. 5:5.

 FAMILIA

1. 6. Mawag tu ayatan na lalaki i atawa na kagitta na pangaya na ta baggi na.​—Efe. 5:33; Col. 3:19.

2. 7. Mawag tu irespeto na babay i atawa na.​—Efe. 5:33; Col. 3:18.

3. 8. Mawag tu matalo ta kataggi-tadday i magatawa.​—Mal. 2:16; Mat. 19:4-6, 9; Heb. 13:4.

4. 9. Makasta i pattuppalan na ána nga mangirespeto anna tumuttul ta magana da.​—Prov. 1:8, 9; Efe. 6:1-3.

 DIOS

1. 10. Egga i ngagan na Dios.​—Sal. 83:18, NW; Jer. 10:10.

2. 11. Egga i importante nga mensahe na Dios ta nittam.​—2 Tim. 3:16, 17; 2 Ped. 1:20, 21.

3. 12. Ari mangireruma i Dios.​—Deut. 10:17; King. 10:34, 35.

4. 13. Ikaya ittam nga uffunan na Dios.​—Sal. 46:1; 145:18, 19.

  PAKIMALLO

1. 14. Ikaya na Dios nga makimallo ittam ta nisa.​—Sal. 62:8; 65:2; 1 Ped. 5:7.

2. 15. Ituddu nittam na Biblia nu kunnasi i makimallo.​—Mat. 6:7-13; Luc. 11:1-4.

3. 16. Mawag tu kanayun ittam nga makimallo.​—Mat. 7:7, 8; 1 Tes. 5:17.

 JESUS

1. 17. Malalaki nga mestru si Jesus anna kanayun nga pammakapianattam i tabarang na ira.​—Mat. 6:14, 15, 34; 7:12.

2. 18. Dati ngana nga kinagi ni Jesus i mesissimmu ira sangawe.​—Mat. 24:3, 7, 8, 14; Luc. 21:10, 11.

3. 19. Ana na Dios si Jesus.​—Mat. 16:16; Juan 3:16; 1 Juan 4:15.

4. 20. Ari tu si Jesus i Dios nga Makapangngua-sa-Ngamin.​—Juan 14:28; 1 Cor. 11:3.

 PAPPATULAN NA DIOS

1. 21. Kurug nga gobiernu ta langi i Pappatulan na Dios.​—Dan. 2:44; 7:13, 14; Mat. 6:9, 10; Nep. 11:15.

2. 22. Talianan na Pappatulan na Dios i gobiernu na totolay.​—Sal. 2:7-9; Dan. 2:44.

3. 23. I Pappatulan laman na Dios i solusion ta ngamin nga problema na totolay.​—Sal. 37:10, 11; 46:9; Isa. 65:21-23.

 PAZZIGA-RIGA

1. 24. Ari tu Dios i makagafu ta pazziga-riga tam.​—Deut. 32:4; Sant. 1:13.

2. 25. Si Satanas i mammaguray taw ta mundo.​—Luc. 4:5, 6; 1 Juan 5:19.

3. 26. Masingan na Dios i pazziga-riga mu anna kayà naka nga uffunan.​—Sal. 34:17-19; Isa. 41:10, 13.

4. 27. Pangultimuan noka na Dios i pazziga-riga.​—Isa. 65:17; Nep. 21:3, 4.

 PATAY

1. 28. Awan tu ammu na natay; ari ira nga mazziga-riga.​—Ecl. 9:5; Juan 11:11-14.

2. 29. Ari ittam nga moffunan onu matakitan na natay.​—Sal. 146:4; Ecl. 9:6, 10.

3. 30. Mapaginnolay noka i iddeddu tam ira nga natay.​—Job 14:13-15; Juan 5:28, 29; King. 24:15.

4. 31. “Awan ngana noka tu matay.”​—Nep. 21:3, 4; Isa. 25:8.

 RELIHION

1. 32. Ari tu ngamin nga relihion ay makapagayayya ta Dios.​—Jer. 7:11; Mat. 7:13, 14, 21-23.

2. 33. Ikalussaw na Dios i pagappappe.​—Isa. 29:13; Mik. 3:11; Mar. 7:6-8.

3. 34. I kurug nga aya i panakkilalan na kurug nga relihion.​—Mik. 4:3; Juan 13:34, 35.