Nu egga i tadday nga nappakkiavu onu kinagi na nga ipakanawag tam i tadday tu gannug, ituloy tam i makibbida nisa. Ikaya tam gare nga makibbida ta totolay nga awayya na tu “mepangngo nga mangalawa tu mannanayun nga inango.”​—King. 13:48, NW.

Ngem kunnasi nu maporay i kibbidammu, makipporfia, onu manaki na i makibbida? Kalmadu anna mataktika nakuan nga iyemmang mu i pakibbidam. (Prov. 17:14) Ikagumammu nga mabbalin tu marespeto anna masippo ta awayya na tu ikaya na ngana i makibbida sonu uli.​—1 Ped. 2:12.