PABBALINAN NU IRA TU DISIPULO
LEKSION 10
Determinadu
Prinsipio: “Sigga-parak-kami nga mangibillay nikamu, ari laman ta Mapia nga Dumug na Dios, nu ari maski paga ta pangiserbi mi ta mismu nga baggi mi, ta kuruga napafutu i pagiddu mi nikamu!”—1 Tes. 2:8.
I Kingngua ni Jesus
1. Girawan i VIDEO, onu bibbigan i Juan 3:1, 2. Kabalin na, paguruvovugan i tumunug ira nga pakkiavu:
-
Ngatta gabi i pinaggangay ni Nicodemo kani Jesus?—Innan i Juan 12:42, 43.
-
Kunnasi nga nipasingan ni Jesus nga determinadu yayya nga uffunan si Nicodemo tapenu mabbalin tu disipulo?
Anni i Magigiammu Tam Kani Jesus?
2. Mepasingattam i aya tam ta totolay nu determinadu ittam nga uffunan ira nga mabbalin tu disipulo.
Parigan si Jesus
3. Mab-Bible study kamu ta oras anna lugar nga kombiniente ta Bible studym. Baka egga i kayà na nga espesipiko nga aggaw onu oras. Baka mas komfortable yayya nga mab-Bible study ta lugar nga pattrabahuan na, onu ta balay da, onu ta publiko nga lugar. Adde ta posible, i-adjust mu i iskediul mu tapenu makapab-Bible study kamu ta oras anna lugar nga puede yayya.
4. Regular nga mab-Bible study. Nu ari ka nga available, ariammu i-cancel i iskediul nu. Ikonsideram i tumunug ira:
-
Awayyam kari ikondukta i Bible study gukaban na tawag onu videoconference?
-
Awayyam kari ikiddaw ta tanakuan nga wagi nga yayya labbi i mangikondukta?
5. Ipakimallo i positibo nga pagimamma. Mappoffun kani Jehova tapenu determinadu ka lagapa nga uffunan i Bible studym maski nu ari tu regular i paki-Bible study na onu marigatan yayya nga iyaplika i magiggigiammu na. (Fil. 2:13) Siguradu nga aru i makasta nga kualidad na Bible studym; makimallo ka tapenu makapaffokus ka ta makasta ira nga kualidad na.
