PASSINOLI
LEKSION 7
Ari Magimmang
Prinsipio: “Ariad-da nga inimmangan i . . . mattuddu anna mallayya-gayya ta Mapia nga Dumug.”—King. 5:42.
I Kingngua ni Pablo
1. Girawan i VIDEO, onu bibbigan i Kingngua 19:8-10. Kabalin na, paguruvovugan i tumunug ira nga pakkiavu:
Anni i Magigiammu Tam Kani Pablo?
2. Kawagan i tiempo anna pappursigi tapenu efektibo i passinoli tam anna makegafu tu Bible study.
Parigan si Pablo
3. Bisitan i tolay ta oras nga kombiniente nisa. Iyavu mu ta baggim: ‘Anni i kapianan nga tiempo nga pabbisità nisa? Sitaw i lugar nga awayya mi i mabbida?’ Bisitammu nakuan lagapa yayya, maski nu ari nga kombiniente i oras para nikaw.
4. Makittratu. Nige mu mappakannammu, iyavu mu i espesipiko nga oras nga awayya nu uli i mabbida. Siguraduammu nga massinoli ka ta oras anna lugar nga nabbidan nu.
5. Mattalupaddian nga positibo. Ariammu insigida nonopan nga ari interesadu i tolay megafu ta ariammu kanayun nga madanganan ta balay da onu kanayun nga busy. (1 Cor. 13:4, 7) Ari ka magimmang adde ta makibbidam uli i tolay, ngem siguraduammu gapa nga meyusam tu mapia i tiempom.—1 Cor. 9:26.
