Nu kunnasi ka mas mabenefisiowan taw nga libru
Ikonsidera labbi i introduksion nu kunnasi i paggigiammu taw nga libru, kabalinna girawan i VIDEO.
OLLU NGA PARTE
Bibbigan i ollu nga parte ta papprepara ta kada leksion. I makannag i niketurana ira nga pakkiavu (A) anna teksto ira (B) i mangipakanawag ta punto ira. Nepay ta karuan nga teksto ira i “bibbigan.”
MEKADUA NGA PARTE
Mabibbig ta gafu (C) na Gigiammuan i Aru Paga nu anni i mekonsidera ta tumunug. Mabibbig ta subtitulo (D) i punto ira. Kavulu i mab-Bible study nikaw, bibbigan i teksto ira, tabbagan i pakkiavu ira, anna girawan i video ira.
I VIDEO ira nga egga ta kahon i makoffun tapenu mas malippawa mu i giggigiammuammu. Kurug nga ekspiriensa i magiraw ta karuan ira nga video. Ne-akto laman gapa i karuan ngem kurug nga mesissimmu.
Gigiammuan tu mapia i letratu anna caption ira (E), anna nonopan nu kunnasi ka tubbag ta I Kagian na Karuan (F).
ULTIMU NGA PARTE
Anni i Nagigiammum? anna Review, (G) i ultimu nga parte na leksion. Ipay i fetcha nga nakumpleto i leksion. Ta Puruebammu yaw, (H) mangipay ka tu mawag nga papprogresowammu. Ta I Awayyam Paga Kuan, (I) awayyam bibbigan onu girawan i karuan paga nga informasion.
Nu kunnasi magaleg tu teksto ira ta Biblia
I Biblia ay napattaradday nga 66 nga baraddi nga libru. Egga i dua nga partena: i Hebreo-Aramaiko nga Katurakan (“Dana nga Pakkasinabban”) anna i Cristiano nga Griego nga Katurakan (“Bagu nga Pakkasinabban”).
Nu egga i meyusa nga teksto taw nga libru, kunnaw i keturana: libru na Biblia (A), tumunug gapa i kapitulo (B), anna i versikulo onu versikulo ira (C).
Angngariganna, i kayà kagian na Juan 17:3 ay libru na Juan, kapitulo 17, versikulo 3.
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
