LEKSION 01
Kunnasi Naka Moffunan na Biblia?
Egga ira i pakkiavu tam meyannung ta pattolay, pazziga-riga, patay, anna ta mappange. Aru i pakavurungattam—nu pangapattam ta inaggaw nga kawagattam, onu nu kunnasi magayayya i familia tam. Aru i makkagi nga nakoffun nira i Biblia tapenu malegan i tabbag ta pakkiavu ira ta pattolay. Makeyawa gapa yaw ta nira tu praktikal ira nga tabarang. Ngem para nikaw makoffun kari nittam i Biblia?
1. Anni ira i karuan nga pakkiavu nga tabbagan na Biblia?
Tabbagan na Biblia yaw ira nga pakkiavu: Sitaw i naggafuanattam? Ngatta naparatu ittam? Ngatta mazziga-riga ittam? Anni i mesimmu nu matay i tolay? Kayà tam ngamin i memammo nga pattolay, ngem ngatta egga ira i gerra? Anni i mesimmu ta mappange? Tabbagan na Biblia yatun ira nga pakkiavu, anna minillion i nagayayya ta nalegadda nga tabbag.
2. Kunnasi ittam nga moffunan na Biblia tapenu magayayya?
Makasta i tabarang ira na Biblia. Angngariganna, tudduanna i familia ira nu kunnasi mabbalin tu kurug nga magayayya. Tudduanna gapa ittam nu kunnasi marubang i problema ira anna nu kunnasi ittam magayayya ta trabahu tam. Ta paggigiammu tam taw nga libru, aru paga i mammuammu ta ituttuddu na Biblia meyannung taw ira nga topiko. Siguradu gapa nga mangurug ka nga pammakapianattam “ngamin i egga ta Masanto nga Tura [Biblia].”—2 Timoteo 3:16.
Ari talianan naw nga publikasion i Biblia. Makoffun yaw ta paggigiammum mismu ta Biblia. Yayya nga bibbigammu i teksto ira nga egga taw anna nonopammu nu anni i koneksionna ta giggigiammuammu.
GIGIAMMUAN I ARU PAGA
Ammuammu nu kunnasi noffunan na Biblia i totolay, nu kunnasim magustuan i pabbibbig tatun, anna nu ngatta kawagammu i uffun na tanakuan tapenu mantindian yatun.
3. Megiya ittam na Biblia
I Biblia ay megitta ta mananawag nga flashlight. Meyusa tam i Biblia tapenu makakua ittam tu makasta ira nga desision anna uffunanna ittam tapenu mammuan i mesimmu ira ta mappange.
Bibbigan i Salmo 119:105, anna paguvovugan yaw ira nga pakkiavu:
-
Anni i nakagi na nattura taw nga salmo meyannung ta Biblia?
-
Anni i makagim ta Biblia?
4. Matabbag na Biblia i pakkiavu tam ira
Nalegan na tadday nga babay ta Biblia i tabbag ta pakkiavuna ira nga piga dagun ngana nga nononopanna. Girawan i VIDEO, anna paguvovugan yaw ira nga pakkiavu.
-
Ta video, anni ira i pakkiavu na tadday nga babay?
-
Kunnasi nga nakoffun nisa i paggigiammu tu Biblia?
Ipagaram na Biblia nga kanayun ittam makkiavu. Bibbigan i Mateo 7:7, anna paguvovugan yaw nga pakkiavu:
-
Anni ira i pakkiavu mu nga awayya nga matabbag na Biblia?
5. Makasta i mabbibbig tu Biblia
Kakayà na aru nga totolay i mabbibbig tu Biblia anna mabenefisiowan ira tatun. Girawan i VIDEO, anna paguvovugan yaw ira nga pakkiavu.
-
Ta video, anni i nakagi na kabataan ira meyannung ta pabbibbig?
-
Maski ariadda mahilig mabbibbig, ngatta kakayàda i mabbibbig tu Biblia?
Matudduan ittam na Biblia, mapasikanna i nono tam, anna mangiyawa nittam tu iddanama. Bibbigan i Roma 15:4, anna paguvovugan yaw nga pakkiavu:
-
Ngatta interesadu ka ta banna-bannay anna iddanama nga nipromesa na Biblia?
6. Moffunan ittam na tanakuan nga mantindian i Biblia
Fuera paga ta personal nga pabbibbig tu Biblia, mas nga mantindiattam i Biblia nu egga i mangipakanawag nittam. Bibbigan i Kingngua 8:26-31, anna paguvovugan yaw nga pakkiavu:
-
Kunnasi tam mantindian i Biblia?—Innan i versikulo 30 anna 31.
Egga i nanguffun ta Etiope tapenu mantindianna i bibbibbiganna nga Katurakan. Kawagan gapa na totolay ta tiempo tam i manguffun ta nira tapenu mantindiadda i Biblia
I KAGIAN NA KARUAN: “Sayang laman i oras mu ta paggigiammu tu Biblia.”
-
Anni i makagim? Ngatta?
ANNI I NAGIGIAMMUM?
Mangiyawa i Biblia tu praktikal ira nga tabarang, tabbaganna i importante ira nga pakkiavu, anna mangiyawa tu banna-bannay anna iddanama.
Review
-
Anni ira nga tabarang i malegattam ta Biblia?
-
Anni ira i pakkiavu nga tabbagan na Biblia?
-
Anni i kayà mu nga gigiammuan ta Biblia?
I AWAYYAM PAGA KUAN
Ammuan nu ngatta praktikal i tabarang na Biblia ta tiempo tam.
“Tuttuddu na Biblia—Mannanayun i Siribna” (Passifusifutan Num. 1 2018)
Ammuan nu kunnasi nga inuffunan na Biblia i tadday nga lalaki nga labanan i negatibo nga mataga-tagenona namegafu paga ta kabbinna.
Ammuan i praktikal nga tabarang na Biblia para ta familia.
“12 nga Sekreto na Magayayya nga Familia” (Malukag! Num. 2 2018)
Ammuan i kinagi na Biblia nu sinni talaga i mammaguray ta mundo.
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
