LEKSION 05
Mensahe na Dios Nittam i Biblia
Makakkasta nga regalu ni Jehova nittam i Biblia. Napattaradday tatun i 66 nga libru. Ngem baka manono mu: ‘Naggafuan na Biblia? Sinni i autorna?’ Tapenu matabbag yatun ira nga pakkiavu, gigiammuattam nu kunnasi nga nakadde nittam i mensahe na Dios nga egga ta Biblia.
1. Kunnasi nga i Dios i Autor na Biblia nu tolay i nattura tatun?
Nitura na 40 nga lallaki i Biblia ta unag na 1,600 nga dagun, namegafu turi 1513 B.C.E. adde ta ma-98 C.E. Maski nu nadduruma i ginafuan na nattura ira, ari nga makkorontra i egga ta Biblia. Ngatta? Megafu ta i Dios i Autor na Biblia. (Bibbigan i 1 Tesalonica 2:13.) Ari nga nirekord na nattura ira i egga ta nonoda lagapa. Nu ari, kinagida i “uvovug nga naggafu ta Dios” anna nigiya ira na “Espiritu Santo” onu masanto nga espiritu. a (2 Pedro 1:21) Inusa na Dios i masanto nga espirituna tapenu igiya i lallaki nga itura i egga ta nonona.—2 Timoteo 3:16.
2. Sinni ira i mabenefisiowan ta Biblia?
Mabenefisiowan ta mapia nga dumug nga malegan ta Biblia i ngamin nga totolay nga ‘madduma-ruma i rasa, tribu, paguvovug, anna nasiodda.’ (Bibbigan i Nepakannammu 14:6.) Siniguradu na Dios nga mabibbig i Biblia ta pinaka-aru nga lengguahe anne ta maski anni nga libru. Maski nu sitaw i diattam onu maski anni i lengguahe tam, awayya na maggi ngamin nga tolay nga mabibbig i Biblia.
3. Kunnasi nga pinrotektan ni Jehova i Biblia?
Netura i Biblia ta materiales nga mabi laman nga madaral. Mapia ngana laman ta memmugug nga kinopia anna manu-mano nga nitura yatun na lallaki nga mattagibalor ta Biblia. Kayà na karuan nga mammaguray anna lider ira na relihion nga daralan i Biblia, ngem pinrotektan yatun na karuan maski nu mappeligro i inangoda. Awan tu maski anni onu maski sinni i makefugag kani Jehova ta pakiyuvovug nittam. Kagian na Biblia: “I uvovug na Dios tam ay mattalupaddian tu mannanayun.”—Isaias 40:8.
GIGIAMMUAN I ARU PAGA
Ammuan nu kunnasi nga nigiya na Dios i lallaki tapenu itura i Biblia, nu kunnasina nga pinrotektan yatun, anna nu anni i kingnguana tapenu mapeggan i totolay tu Biblia.
4. Mabibbig ta Biblia i Autor natun
Girawan i VIDEO. Kabalinna, bibbigan i 2 Timoteo 3:16, anna paguvovugan i tumunug ira nga pakkiavu.
-
Nu tolay i nattura ta Biblia, ngatta magalan yatun tu Uvovug na Dios?
-
Ngatta kurugammu nga posible nga mepetura na Dios ta totolay i egga ta nonona?
Awayya nga ipetura na tadday nga tolay ta sekretariona i mensahena. Kunnatun gapa ta Biblia, tolay i nattura ngem naggafu ta Dios i mensahena
5. Nattalupaddian i Biblia
Naggafu ta Dios i Biblia, yatutta siguradu nga protektanna yatun. Ta interu historia, pinurueban na karuan nga egga autoridadna nga daralan i Biblia. Nitagu yatun na lider ira na relihion. Ngem pinrotektan yatun na aru nga totolay maski nu makokkontra ira onu mappeligro i inangoda. Ammuattam i tadday ta nira. Girawan i VIDEO, anna paguvovugan yaw nga pakkiavu.
-
Kakayà mu kari ngana nga bibbigan i Biblia megafu ta nammuammu nga aru i nappursigi tapenu protektan yatun? Ngatta?
Bibbigan i Salmo 119:97, anna paguvovugan yaw nga pakkiavu:
-
Ngatta napaguyu i aru nga totolay nga itransleyt anna itaneg i Biblia maski nu nappeligro i inangoda?
6. Libru para ta ngamin nga totolay
I Biblia laman i netransleyt anna netaneg ta pinaka-aru nga lengguahe. Bibbigan i Kingngua 10:34, 35, anna paguvovugan yaw ira nga pakkiavu:
-
Ngatta kayà na Dios nga metransleyt anna metaneg i Uvovugna ta aru nga lengguahe?
-
Anni i nagustuammu meyannung ta Biblia?
Maggi
100%
na populasion ta interu mundo
i makabibbig ta Biblia ta lengguahe nga mantindiadda
Available ta maturu tu
3,000
nga lengguahe
i interu onu i karuan nga partena
5,000,000,000
I natantia nga kopia na napadday nga Biblia,
mas aru anne ta maski anni nga libru
I KAGIAN NA KARUAN: “Dadana ngana i Biblia anna tolay laman i nattura tatun.”
-
Anni i makagim tatun?
-
Anni ira i mamakurug nga uvovug na Dios i Biblia?
ANNI I NAGIGIAMMUM?
Uvovug na Dios i Biblia, anna siniguraduna nga mapeggan tu Biblia i ngamin nga totolay.
Review
-
Kunnasi nga nigiya na Dios i lallaki tapenu itura i Biblia?
-
Anni i makagim ta napattalupaddian, netransleyt, anna netaneg i Biblia?
-
Anni i matageno mu ta nammuammu nga kingngua na Dios i ngamin tapenu makiyuvovug nikaw?
I AWAYYAM PAGA KUAN
Bibbigan i historia na Biblia namegafu ta orihinal nga manuskrito adde ta moderno nga transleysion.
“Nu Kunnasi nga Naprotektan i Biblia Adde ta Tiempo Tam” (Malukag!, Nobiembre 2007)
Ammuan nu kunnasi nga naprotektan i Biblia maski nu egga ira i namappeligro tatun.
“I Biblia—Ngatta Nakapattalupaddian?” (Passifusifutan Hulio 2016)
Innan i peligro nga inarubang na totolay tapenu metransleyt i Biblia.
Nakopia anna namippiga nga netransleyt i Biblia. Kunnasi ka makasiguradu nga ari nga nauli i mensahe na Dios?
“Nauli Kari onu Natalianan i Naddian na Biblia?” (Artikulo ta website)
a Meyesplika ta Leksion 07 nga i masanto nga espiritu ay aktibo nga fuersa na Dios.
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
