LEKSION 25
Anni i Gakkag na Dios Para Nittam?
Kagian na Biblia nga i tolay ay “ababba i pattolena anna napannu tu problema.” (Job 14:1) Yaw kari talaga i kayà na Dios para nittam? Nu ari, anni gafu i gakkagna para nittam? Matuppal kari paga yatun? Ammuan i makapabannay nga tabbag na Biblia.
1. Anni nga klase na pattolay i kayà ni Jehova para nittam?
Kayà ni Jehova i kapianan nga pattolay para nittam. Turi ta pinaratuna da Adan anni Eva, nipena ira ta makakkasta nga paraiso, i hardin na Eden. “Binendisionan paga ira na Dios tapus kinagina nira: ‘Maggaka kamu anna umaru kamu, pannuannu i davvun anna immagurayannu.’” (Genesis 1:28) Kayà ni Jehova nga makka-ana ira, kuadda tu paraiso i interu davvun, anna tangngalladda i aya-ayam. Gakkagna i makasta nga gawa-gawayyan anna mannanayun nga pattolay para ta ngamin.
Maski nu ari tu kunnatun i nesimmu, a ari lagapa nga nanguli i gakkag na Dios. (Isaias 46:10, 11) Kayàna lagapa nga mabbalin tu perfekto anna mattolay tu mannanayun i minattuppal ira nga totolay.—Bibbigan i Nepakannammu 21:3, 4.
2. Kunnasi ittam nga mapeggan tu makapagayayya nga pattolay sangawe?
Pinaratu ittam ni Jehova nga egga i espiritual nga pakawagattam. Kebalinanna, egga i pakkaraga tam nga ammuan anna dayawan yayya. (Bibbigan i Mateo 5:3-6.) Kayàna nga makikkofun ittam nisa, ‘lumakag ta dala-dalanna, ayatan yayya,’ anna passerbian yayya “ta interu nga futu.” (Deuteronomio 10:12; Salmo 25:14) Nu kuattam yatun, mabbalittam tu kurug nga magayayya maski nu egga ira i problema tam. Nu dayawattam si Jehova, mapeggan tu gakkag i pattoletam megafu ta mattolay ittam segun ta ikayana.
GIGIAMMUAN I ARU PAGA
Ammuan nu kunnasi nipasingan ni Jehova i kadakal na ayana turi ta nipreparana i davvun para nittam anna i ituttuddu na Uvovugna meyannung ta gakkag na pattolay.
3. Kayà ni Jehova i makasta nga pattolay para nittam
Girawan i VIDEO, anna paguvovugan yaw nga pakkiavu:
-
Ngatta pinaratu na Dios i makakkasta nga planeta tam?
Bibbigan i Eclesiastes 3:11, anna paguvovugan yaw nga pakkiavu:
-
Anni i magigiammum tatun meyannung kani Jehova?
4. Ari nga nanguli i gakkag ni Jehova
Bibbigan i Salmo 37:11, 29 anna Isaias 55:11, anna paguvovugan yaw nga pakkiavu:
-
Ngatta makagi tam nga ari nga nanguli i gakkag ni Jehova para nittam?
Awayyana nga mapakappian i nadaral nga balay nga napagurayan. Kunnatun gapa ta davvun, pinagurayan yatun na totolay ngem pakappian yatun na Dios para ta mangaya ira nisa
5. Mapeggan tu kurug nga gakkag i pattoletam nu dayawattam si Jehova
Magayayya ittam nu ammu tam i gakkag na pattoletam. Girawan i VIDEO, anna paguvovugan yaw nga pakkiavu:
-
Kunnasi nga nabenefisiowan si Terumi turi ta nammuanna i gakkag na pattolay?
Bibbigan i Eclesiastes 12:13, anna paguvovugan yaw nga pakkiavu:
-
Megafu ta karu na kiningngua ni Jehova para nittam, kunnasi tam mepasingan i appabalo tam nisa?
BAKA IYAVU NA KARUAN: “Anni i gakkag na pattolay?”
-
Anni i tabbag mu?
ANNI I NAGIGIAMMUM?
Kayà ni Jehova nga mabbalin ittam tu perfekto anna mattolay tu mannanayun taw ta davvun. Nu dayawattam yayya ta interu nga futu tam, mapeggan tu kurug nga gakkag i pattoletam, maski sangawe.
Review
-
Anni i orihinal nga gakkag ni Jehova para kani Adan anni Eva?
-
Ngatta makagi tam nga ari nga nanguli i gakkag na Dios para ta totolay?
-
Anni i kuammu tapenu mapeggan tu gakkag i pattolem?
I AWAYYAM PAGA KUAN
Ammuan i ebidensia nga talaga kurug i hardin na Eden.
“I Hardin na Eden—Kurug onu Appe Laman?” (Passifusifutan, Enero 1, 2011)
Gigiammuan nu ngatta makasiguradu ittam nga mattalupaddian tu mannanayun i davvun.
Gigiammuan i kagian na Biblia nu kunnasi mapeggan tu gakkag i pattolem.
Maski nu pagabbo na tadday nga lalaki nga egga ngana sa i ngamin, ammuan nu kunnasina nga nalegan i kurang ta pattolena.
a Ta tumunug nga leksion, magigiammum nu ngatta ari natuppal yatun.
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
