LEKSION 33
Nu Anni i Ituppal na Pappatulan na Dios
Mammaguray ngana i Pappatulan na Dios. Aranni ngana gapa nga pakastanna i paddia-paddian taw ta davvun. Gigiammuattam i karuan ta ituppal na Pappatulan.
1. Kunnasi nga irattal na Pappatulan na Dios i imammo anna hustisia ta davvun?
Bilang Patul na Pappatulan na Dios, daralan ni Jesus sonu Armagedon i marakay nga totolay anna i gobiernu ira. (Nepakannammu 16:14, 16) Tatun nga tiempo, matuppal yaw nga promesa na Biblia: “Ta ari nga mabbayag, i marakay ira ay mapawan.” (Salmo 37:10) Gukaban na Pappatulan, siguradu nga merattal ni Jesus i imammo anna hustisia ta interu davvun.—Bibbigan i Isaias 11:4.
2. Kunnasi i pattolay sonu natuppal ngana i uray na Dios ta davvun?
Ta pammaguray na Pappatulan na Dios, “i matunung ira ay irensiad-da i davvun, anna maddian ira taw tu mannanayun.” (Salmo 37:29) Nonopammu yatun nga pattolay—matunung ngana i ngamin, iddeddukadda si Jehova anna i kataggi-tadday! Awan tu mattaki, anna mattolay i ngamin tu mannanayun.
3. Anni i ituppal na Pappatulan na Dios sonu nadaral ngana i marakay ira?
Sonu nadaral ngana i marakay ira, mammaguray si Jesus bilang Patul ta 1,000 nga dagun. Tatun nga tiempo, kavuluna i 144,000 nga makipammaguray nisa. Uffunadda i totolay taw ta davvun tapenu mabbalin tu perfekto. Ta pangultimu na 1,000 nga dagun, mabbalin tu makakkasta nga paraiso i davvun, anna magayayya i ngamin nga totolay megafu ta panuttulda ta bili-bilin ni Jehova. Kabalinna, itoli ni Jesus i pammaguray ta Yamana nga si Jehova. Siguradu nga “marayaw” onu mapakasanto i ngagan ni Jehova. (Mateo 6:9, 10) Mapakurug gapa nga si Jehova i kapianan nga Mammaguray nga mangikavurung ta totolay ira. Daralan noka ni Jehova si Satanas, i demonio ira, anna i ngamin nga marrebelde ta pammagurena. (Nepakannammu 20:7-10) Mannanayun noka i perfekto nga paddia-paddian nga irattal na Pappatulan na Dios.
GIGIAMMUAN I ARU PAGA
Ammuan nu ngatta makapattalo ittam nga usan na Dios i Pappatulan tapenu ituppal i promesana ira ta mappange nga egga ta Biblia.
4. Pangultimuan na Pappatulan na Dios i gobiernu na tolay
“Immagurayan na tolay i kasittolena ta pakaperwisiuwadda.” (Eclesiastes 8:9) Usan ni Jehova i Pappatulanna tapenu pangultimuan i kawan na hustisia.
Bibbigan i Daniel 2:44 anna 2 Tesalonica 1:6-8, anna paguvovugan yaw ira nga pakkiavu:
-
Anni i kuan ni Jehova anna na Anana nga si Jesus ta gobiernu na totolay anna ta massussuporta tatun?
-
Ngatta makasiguradu ka nga patas anna egga i hustisia ta kuan noka ni Jehova anna ni Jesus?
5. Si Jesus i kapianan nga Patul
Bilang Patul na Pappatulan na Dios, kuan ni Jesus i ngamin nga mawayyana tapenu uffunan i totolay taw ta davvun. Girawan i VIDEO tapenu mapakurug nga ikaya ni Jesus nga uffunan i totolay anna iniddan yayya na Dios tu pakapangngua nga kuan yatun.
Ta kegga ni Jesus ta davvun, nipasinganna i karuan ira nga ituppal na Pappatulan. Anni ta tumunug ira nga bendision i kakayà mu ngana nga mesimmu? Bibbigan i teksto ira tapenu mammuan i mas aru paga meyannung tatun.
|
TA DAVVUN . . . |
TA LANGI . . . |
|---|---|
|
|
|
|
|
|
|
|
6. Makakkasta nga mappange i irattal na Pappatulan na Dios
Ituppal na Pappatulan i orihinal nga gakkag ni Jehova para ta totolay. Mattolay ira tu mannanayun ta paraiso nga davvun. Girawan i VIDEO tapenu masingan nu kunnasi usan ni Jehova i Anana nga si Jesus tapenu matuppal i gakkagna.
Bibbigan i Salmo 145:16, anna paguvovugan yaw nga pakkiavu:
-
Anni i matageno mu ta nammuammu nga iyawa ni Jehova i pakawagan na ngamin?
I KAGIAN NA KARUAN: “Masolba tam lagapa i problema ira basta makka-uffu-uffun ittam.”
-
Anni ira nga problema i solban na Pappatulan na Dios nga ari mawayya na gobiernu na tolay?
ANNI I NAGIGIAMMUM?
Ituppal na Pappatulan i gakkag na Dios. Pabbalinanna tu paraiso i interu nga davvun nga paddianan na masippo ira nga totolay nga maddayarayaw kani Jehova tu mannanayun.
Review
-
Kunnasi nga mapakasanto i ngagan ni Jehova gukaban na Pappatulanna?
-
Ngatta mangurug ittam nga ituppal na Pappatulan na Dios i promesa ira ta Biblia?
-
Anni nga bendision ira na Pappatulan i kakayà mu ngana nga matuppal?
I AWAYYAM PAGA KUAN
Ammuan nu anni i Armagedon.
Ammuan i mesimmu ira sonu “dakal nga ziga” nga kinagi ni Jesus.—Mateo 24:21, NW.
Girawan nu kunnasi nga mapannonopan na familia ira i mappange nga bendision ira na Pappatulan.
Ammuan ta artikulo nga “Aru nga Pakkiavu i Nononopakku” nu kunnasi nga nalegan na tadday nga rebelde ta gobiernu i ala-aleganna nga solusion.
“Pakastan na Biblia i Pattolay” (Passifusifutan, Enero 1, 2012)
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
