LEKSION 50
Kunnasi nga Mabbalin tu Magayayya i Familiam?—Part 2
Regalu nga naggafu kani Jehova i ána ira. Kayà ni Jehova nga tangngallan tu mapia na magana ira yatun nga regalu. Nangiyawa gapa si Jehova tu tabarang ira ta mappagana tapenu makuada yatun. Makoffun gapa i tabarangna ira ta ána tapenu makuada i parteda nga makoffun ta pagayayya na familiada.
1. Anni i tabarang ni Jehova ta mappagana?
Kayà ni Jehova nga iddukan na magana ira i ánada anna kanayun nakuan nga egga i tiempoda nira. Kayàna gapa nga protektan na magana ira i ánada anna usadda i prinsipio ira na Biblia ta panuddu nira. (Proverbio 1:8) Kinagina ta yama ira: “Padakallan nu lallagu [i ananu ira] ta tuddu anna tabarang nga meyannung ta Yafu.” (Bibbigan i Efeso 6:4.) Magayayya si Jehova nu tuttulan na magana ira i prinsipiona ira ta pamadakal tu ána anna ariadda nga ipasa yatun nga responsibilidad ta tanakuan.
2. Anni i tabarang ni Jehova ta ána ira?
Kinagi ni Jehova ta ána ira: “Makimoray [kamu] ta mappagana nu.” (Bibbigan i Colosas 3:20.) Nu irespeto anna tuttulan na ána ira i maganada, magayayya si Jehova anna i maganada. (Proverbio 23:22-25) Makasta i ehemplo ni Jesus ta kabbinna. Maski nu perfekto yayya, sinuttul anna nirespetona lagapa i maganana ira maski nu imperfekto ira.—Lucas 2:51, 52.
3. Kunnasi nga mas maddukko ta Dios i familianu?
Nu tadday ka nga magana, siguradu nga kayà mu nga ayatan gapa na ána mu si Jehova. Kunnasim nga makua yatun? Kuammu i kinagi na Biblia: “Mawag tu ipatalattonu [i Uvovug ira ni Jehova] ta ananu anna ikaginu yatun nira nu magitubakkamu ta balenu anna nu lumaka-lakag kamu ta dalan.” (Deuteronomio 6:7) Kebalinan na “ipatalattonu” ay i panuddu gukaban na pangitotoli ta tadday nga gannug. Egga ira i gannug nga mawag tu itotolim nga ikagi ta ána mu tapenu ariadda makattaman. Kayà kagian na teksto nga mawag tu kanayukka magaleg tu oportunidad tapenu mekagi ta ánanu i meyannung kani Jehova. Makasta gafu nu mangiskediul kamu tu family worship kada ligguan. Nu awan tu ánanu, mabenefisiowakkamu lagapa ta paggigiammu ta Uvovug na Dios kada ligguan.
GIGIAMMUAN I ARU PAGA
Ammuan i suhestion ira nga makoffun tapenu magayayya anna memammo i familia.
4. Meddu nga sanayan i ánanu
Awayyana nga mariga i passanay ta ána. Kunnasi nga makoffun i Biblia? Bibbigan i Santiago 1:19, 20, anna paguvovugan yaw ira nga pakkiavu:
-
Kunnasi nga mepasingan na magana ira i aya ta pakiyuvovug ta ánada?
-
Ngatta ari nakuan nga disiplinan na magana ira i ánada nu makaporay ira? a
5. Protektannu i ánanu
Tapenu maprotektannu i ánanu, importante nga ipakanawagnu nira i meyannung ta sex maski nu gittana mariga yatun. Girawan i VIDEO, anna paguvovugan yaw ira nga pakkiavu:
-
Ngatta marigatan i karuan nga magana nga ipakanawag ta ánada i meyannung ta sex?
-
Kunnasi nga nipakanawag na karuan nga magana ta ánada i meyannung ta sex?
Neprofesiya nga mas marrake i mundo ni Satanas. Bibbigan i 2 Timoteo 3:1, 13, anna paguvovugan yaw nga pakkiavu:
-
I karuan ta marake nga totolay nga nakagi ta versikulo 13 ay seksual nga abusuadda i abbing ira. Yari tu ngatta importante nga ituddu na magana ira ta ánada i meyannung ta sex anna kunnasida maprotektan i baggida ta mangabuso ira?
Ammum kari?
Nangipublisa i Saksi ira ni Jehova tu aru nga publikasion nga makoffun ta magana ira tapenu metudduda ta ánada i meyannung ta sex anna maprotektan ira ta pangabuso. Innan i:
-
Protektannu i Ananu (video)
-
“Turuan ang Iyong Anak Tungkol sa Sex” (Gumising! Blg. 5 2016)
6. Irespetom i magana mu
Ta pakibbida na abbarabbing anna tinedyer ira ta maganada, mawag tu irespetoda ira. Girawan i VIDEO, anna paguvovugan i tumunug ira nga pakkiavu.
-
Ngatta importante nga marespeto nga makibbida i abbing ta maganada?
-
Ta pakibbida na abbing ta maganada, kunnasida ira nga merespeto?
Bibbigan i Proverbio 1:8, anna paguvovugan yaw nga pakkiavu:
-
Anni nakuan i reaksion na abbing nu egga i bilin na maganana?
7. Dayawan si Jehova bilang familia
Maf-family worship kada ligguan i Saksi ira ni Jehova nga egga ngana i familiada. Anni i makua ta family worship? Girawan i VIDEO, anna paguvovugan yaw ira nga pakkiavu:
-
Anni i kuan na familia tapenu egga i regular nga family worship da?
-
Anni i kuan na magana tapenu praktikal anna makapagayayya i family worship da?—Innan i letratu ta gafu na leksion.
-
Anni ira i meparubang nga kapurueba ta paf-family worship?
Ta Israel gari, kayà ni Jehova nga regular nga paguvovugan na familia ira i Katurakan. Bibbigan i Deuteronomio 6:6, 7, anna paguvovugan yaw nga pakkiavu:
-
Kunnasim nga meyaplika yaw nga prinsipio?
Suhestion ira ta family worship:
-
Mapprepara ta study ta kongregasion.
-
Bibbigan anna paguvovugan i rekord na Biblia nga paginteresan na familianu.
-
Nu egga i baraddi nga ánanu, mad-download onu map-print tu aktibidad para ta abbarabbing nga egga ta jw.org.
-
Nu egga i tinedyer nga ánanu, paguvovugannu i tadday nga artikulo para ta kabataan nga egga ta jw.org.
-
Iyakto i tadday nga istoria ta Biblia kavulu i ánanu.
-
Girawan anna paguvovugan i tadday nga video ta jw.org.
I KAGIAN NA KARUAN: “Marigatan i abbing ira nga mantindian i Biblia.”
-
Anni i makagim?
ANNI I NAGIGIAMMUM?
Kayà ni Jehova nga iddukan, tudduan, anna protektan na magana ira i ánada; kayàna gapa nga irespeto anna tuttulan na ána ira i maganada; anna kayàna nga dayawan yayya na interu nga familia.
Review
-
Kunnasi nga matudduan anna maprotektan na magana ira i ánada?
-
Kunnasi nga merespeto na ána i maganada?
-
Anni ira i benefisio na paf-family worship kada ligguan?
I AWAYYAM PAGA KUAN
Anni ira nga leksion i makoffun ta ánanu ta paddakalda?
“Annam nga Leksion nga Kawagan na Ána Ira” (Malukag! Num. 2 2019)
Gigiammuan i praktikal nga tabarang na Biblia ta manangngal ira ta manakam ngana nga magana.
Girawan nu kunnasi nga napadakal tu mapia na tadday nga yama i ánada maski nu arianna ammu nu kunnasi kuan yatun.
Ammuan nu kunnasi nga mas maddukko i yama ira ta ánada nga lallaki.
a Ta Biblia, i kebalinan na “disiplina” ay panuddu, pangigiya, anna pangitunung. Arianna kebalinan i pangabuso onu pammaltratu.—Proverbio 4:1.
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
