LEKSION 53
Pilian i Dibersion nga Mamagayayya Kani Jehova
“Magayayya nga Dios” si Jehova. (1 Timoteo 1:11, NW ) Kayàna nga magayayya anna magenjoy ittam. Magayayya yayya nu egga i tiempo tam nga marrelaks anna magenjoy. Taw nga leksion, mammuattam nu kunnasi ittam magayayya ta pangiyusa ta tiempo tam nga mamagayayya gapa kani Jehova.
1. Anni nakuan i daddammattam nu mappili ittam tu dibersion?
Anni i kayà mu kuan tapenu marrelaks? Kayà na karuan nga maddian ta balay—mabbibbig tu libru, magginna tu kansion, maggiraw, onu maginternet. Kayà gapa na karuan nga kavulu i kokkofudda ta hiking, swimming, onu paggayam. Maski nu anni i piliattam nga dibersion, mawag nga siguraduattam nga “makapagayaya ta Yafu.” (Efeso 5:10) Importante yatun nittam megafu ta aru nga popular nga dibersion sangawe i ikalussaw ni Jehova, kagitta na kinavayolente, seksual nga imoralidad, anna espiritismo. (Bibbigan i Salmo 11:5.) Anni i makoffun nittam nga mappili tu mapia nga dibersion?
Nu piliattam i kokkofun nga mangaya kani Jehova, makasta i influwensiada nittam anna ta pappili tam tu dibersion. Kagitta na nagigiammu tam ta Leksion 48, “i makikakkavulu ta masirib ay mabbalin tu masirib.” Ngem nu makikavulu ittam kanayun ta totolay nga ari mangaya ta estandarte ira ni Jehova, ‘marake i pattuppalattam.’—Proverbio 13:20.
2. Ngatta importante nga limitattam i tiempo tam para ta dibersion?
Awayyana tu ari nga marake i piliattam nga dibersion. Ngem mawag lagapa nga magimmugug ittam tapenu ari nga mofu i tiempo tam nga para nakuan ta mas importante ira nga aktibidad. Ipagaram nittam na Biblia: “Usannu ta kapianan i tiemponu.”—Bibbigan i Efeso 5:15, 16, NW.
GIGIAMMUAN I ARU PAGA
Ammuan nu kunnasi makapaddesision tu fustu nu meyannung ta dibersion.
3. Lillitan i marake nga dibersion
Ngatta mawag nga piliattam tu mapia i dibersiottam? Girawan i VIDEO, anna paguvovugan yaw ira nga pakkiavu:
-
Anni i napparehuan na gayam ira gari ta Roma ta gayam ira sangawe?
-
Ta video, anni i nagigiammu ni Danny meyannung ta dibersion?
Bibbigan i Roma 12:9, anna paguvovugan yaw nga pakkiavu:
-
Kunnasi nga makoffun yaw nga teksto ta pappilim tu mepangngo nga dibersion?
Anni ira i karuan nga gannug nga ikalussaw ni Jehova? Bibbigan i Proverbio 6:16, 17 anna Galacia 5:19-21. Kabalin nga mabibbig i kada teksto, paguvovugan yaw nga pakkiavu:
-
Anni ira i nakagi ta teksto nga gagangay ta dibersion ira sangawe?
Nu kunnasi i masirib nga pappili tu dibersion
Iyavu mu ta baggim:
-
Anni? Nelagum kari taw i gannug ira nga ikalussaw ni Jehova?
-
Kada anni? Mofu kari taw i tiempò nga para nakuan ta importante ira nga aktibidad?
-
Sinni? Kanayun kari nga makavulu ku i totolay nga ari mangaya kani Jehova?
Makasta nu umarayyu ittam ta peligro. Yari tu arayyuattam nakuan i anni laman nga dibersion nga awayyana nga mamappeligro nittam
4. Usammu ta kapianan i tiempom
Girawan i VIDEO, anna paguvovugan yaw nga pakkiavu:
-
Ta video, maski nu awan tu marake nga girawan na brother, anni i marake nga efektona nisa?
Bibbigan i Filipos 1:10, anna paguvovugan yaw nga pakkiavu:
-
Kunnasi nga makoffun yaw nga teksto ta pangusa tam tu tiempo ta paddibersion?
5. Mappili tu mepangngo nga dibersion
Egga ira i dibersion nga ikalussaw ni Jehova ngem aru lagapa i makapagayayya nga dibersion nga arianna ikalussaw. Bibbigan i Eclesiastes 8:15 anna Filipos 4:8, anna paguvovugan yaw nga pakkiavu:
-
Anni i kakayà mu nga dibersion?
Awayyam magayayya ta mepangngo nga dibersion
I KAGIAN NA KARUAN: “Awan tu marake ta dibersion nga vayolente, imoral, onu egga espiritismona, basta ariammu parigan yatun.”
-
Anni i makagim?
ANNI I NAGIGIAMMUM?
Kayà ni Jehova nga mappili ittam tu mepangngo nga dibersion anna magayayya ittam tatun.
Review
-
Anni nga dibersion i mawag nga lillitan na Cristiano ira?
-
Ngatta mawag nga magimmugug ittam ta tiempo nga usattam ta paddibersion?
-
Ngatta mawag nga piliammu i dibersion nga mamagayayya kani Jehova?
I AWAYYAM PAGA KUAN
Ikonsidera nu sinni nakuan i mappili tu dibersiottam.
“Egga Kari i Igamma na Saksi ira ni Jehova nga Pelikula, Libru, onu Kansion?” (Artikulo ta website)
Ammuan nu kunnasi ka makapaddesision tu mapia nu meyannung ta dibersion.
“Makabenefisio Kari i Dibersiommu?” (Passifusifutan, Oktubre 15, 2011)
Ammuan ta istoria nga “Ari Ngà Ngana Mangireruma,” nu ngatta inuli na tadday nga lalaki i dibersionna.
“Pakastan na Biblia i Pattolay” (Passifusifutan, Pebrero 1, 2010)
Girawan nu anni i masirib nga kingngua na tadday nga yena meyannung ta pagiraw nga konektadu ta espiritismo.
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
